香港文匯報訊（記者 梁靜儀）羅孝勇（Sheldon）近日忙於為無綫台慶劇《換命真相》宣傳，劇中飾演冷血殺手的他大呼好刺激。

2010年參加《超級巨聲2》獲得季軍入行的Sheldon，之後曾離巢外闖，直至去年回巢，他表示《換》劇可算是首部正式拍攝的無綫劇，最深刻是拍一場揸車戲：「嗰場戲有啲危險，好彩之前拍《飛虎之雷霆極戰》都有拍飛車場口經驗，令我可以淡定啲。」問到他飾演冷血殺手可有嚇怕繼女？他說：「囡囡覺得得啖笑，因為佢覺我好cute，好麻甩佬，仲成日摸我啲鬚，覺得拮手好得意，但自己就唔鍾意留鬚，有時留鬚留得太耐搞到個人有啲頹。」

去年與模媽王丹妮（Louise）結婚的Sheldon，對於太太處女作《梅艷芳》快將上映，問到太太可有向他請教演戲心得？Sheldon表示沒有：「我哋好少講工作，太太亦冇要我教佢演戲，因為電影公司已經有個好大嘅團隊訓練太太。」問到覺得太太飾演一代歌后梅艷芳可神似？他大讚說：「我都覺得太太神似，好proud of太太，我一定會去捧場，仲要帶定紙巾入場。」

參加無綫歌唱比賽出身的他，表示亦有留意歌唱選秀節目《聲夢傳奇》，大讚學員都唱得好好，並有回想起自己當年參賽的情景，但不會特別羨慕學員比賽後工作機會接踵而來，覺得每人有自己的路才有今天的自己。問到若女兒想參加歌唱比賽，他又可會贊成？開通的他笑說：「我唔會鼓吹，會等佢自由發展。」