《蘋果》報道稱露宿街頭博同情 網民揭歎世界索嘢自拍放IG

「黃媒」成日講到啲所謂「流亡義士」嘅情況幾咁可歌可泣，博「家長」捐錢「助養」，但最終啲錢可能只係幫佢哋吸毒。《蘋果日報》日前報道有「流亡手足」「險些在寒冬露宿街頭……無家可歸，在英無依無靠」。不過，有知情人就揭發，報道中楚楚可憐嘅「手足」，不但借「流亡」名義四圍拎「家長錢」吸毒，更將吸毒自拍擺上IG。唔少「黃絲」都鬧爆個「女手足」同《蘋果》，但鬼叫大把「黃絲」肯信咩？■香港文匯報記者 黃書蘭

《蘋果日報》日前刊出專訪，話「流亡」倫敦嘅「阿明與阿Ling（化名）」「險些在寒冬露宿街頭」。網民「大艾詩嬅」日前就喺「連登」以「流亡英國手足 露乜野（嘢）宿街頭姐（啫）」為題發帖，上載咗張一名「女手足」喺IG自拍吸食新興毒品「毒郵票」嘅相，大爆《蘋果》報道中嘅「女手足」四圍拎「家長錢」嚟吸毒。佢話：「有條女『楊雅Ching』剛剛成年，上月底比（俾）『家長』睇到佢索野（嘢）（Post頭有相）……揭發左（咗）件事出黎（嚟）之後就搵到更多既（嘅）野（嘢），包括成日Week Stone（吸毒）到嘔，同時間有搵幾個『家長』，生活富裕……佢地（哋）租屋係會12,000港紙起跳，基本上成日出去食……搵既（嘅）資助返黎 （嚟），甚至比（畀）埋條仔Stone（吸毒）……事至24號晚上8點『毒果』出左（咗）篇新聞，咁『家長』同『手足』都異口同聲話『毒果』專訪（呀Ling）就係楊小姐！」

「女手足」被踢爆要認錯

原來早於上月28日，已有知情「手足」「影×Bot」喺Telegram群組「饅頭channel」大鬧吸毒嘅「女手足」，當時「影×Bot」話：「流亡英國楊小姐，依（𠵱）個係比（畀）你最後通牒。知道你拎『家長』錢吸毒，我勸你即刻收手，否則後果自負。」本月6日，「影×Bot」再喺頻道搞投票，有82%「手足」都支持要開吸毒「女手足」嘅名，仲要「斷晒佢一切米路」。

同日，「影×Bot」就話：「楊小姐出左（咗）黎（嚟）搵左（咗）我同家長都道左（咗）好多個歉」，其後仲上載「女手足」認錯嘅對話截圖。

唔少「手足」都喺「連登」鬧班人扮「流亡」呃「家長」錢。「封筆異子」就話：「佢真係『流亡』？係（喺）人地（哋）國家拎家長錢take野（嘢），仲要唔係weed（大麻）咁簡單，有無咁chill（愜意）啊，睇死佢係可以返到香港，假『流亡』，真享受！」「魔法嵐」都話佢「利用人哋同情心」。

網民批「家長」蠢做水魚

有網民就覺得係班課金嘅「家長」自己戇居。「Dynamist」咁話：「人地（哋）擺明係當你班買『贖罪券』既（嘅）傻仔係ATM（提款機），你地（哋）奈得佢咩何姐（啫），怪就怪自己蠢啦！成年都仲比（俾）人呃！有咁既（嘅）水魚比（畀）錢，我係好人都呃埋一份啦！有錢送唔通唔比（要）咩？」

亦有「手足」覺得係「黃媒」靠害。「Dr_MK」話：「appledaily（《蘋果日報》） 其實最近好多新聞都走火入魔！」咁都要有人肯信先得嘅。