馬主曾偉雄同何慧餘過往養過兩匹馬，分別係「簡簡單單」同「歡歡喜喜」，都係用疊字改名，現役蘇偉賢馬房「好好彩彩」亦唔例外。「好好彩彩」大前季出道即可在四班贏田草千二，仲甩開亞軍三個幾馬位，絕對係實力表現，可惜匹馬右前腳三度有傷患問題，曾缺陣年半至今年二月才復出，季尾更可在四班谷草千二跑第二。今季已跑過場田草一千米，當時起步被撞失機，就當試一課大閘，上仗首次轉戰泥地千二米重戴眼罩，出閘之後狂放到最後二百米先腳軟，表現絕對唔差，今次面對現實重返谷草上陣，試到準晒有權脫穎而出。