香港文匯報訊（記者 梁靜儀）李炘頤（Alina）與歐鎮灝(George)@P1X3L昨日到九龍塘出席Now TV《STEM獎勵計劃2024》活動。

Alina的男友邱士縉（Stanley）日前與美國天后Rihanna於上海同場，Alina表示自己也是兩星期前才知道，但她當時她正身處歐洲與母親旅行，所以未有機會同行，她說：「我叫男友一定要自拍，佢有影相同畀我睇囉，戥佢開心。（可想同Rihanna合作？）合作當然非常好啦，得嘅話已經可以完結自長己嘅演藝事業，係人生壯舉﹗」

談到與母親歐洲之旅，Alina表示母親節期間與媽咪去了意大利南部及維也納旅遊兩星期，並大讚當地風景好靚，治安並沒外傳那麼差。她笑說：「呢幾年我立定目標，每年都要同媽咪去一次旅行，因為媽咪好後生鍾意周圍去，(明年計劃去哪裏？）媽咪想去日本滑雪，如果係可能要細佬同行幫手。（叫男友一齊去？）都可以，我哋都有滑雪教練牌。」

對於有傳她已約滿ViuTV，Alina就否認：「我仲有好一段時間，公司好好，俾好高自由度我。」

另外，George表示近日忙於為即將舉行的演唱會綵排，屆時會邀請家人及好友捧場。他又透露最有難度是幾歌詞：「我哋唔想用提字機，不過準備好就唔會驚。」至於可會除衫騷肌？他笑言暫時沒有考慮，但會視為一個目標。