（香港文匯報記者 阿祖）陳毅燊（ANSONBEAN）最近獲男士美容中心邀請成為首位代言人並拍攝廣告，連紅隧口也擺放超大型廣告版，非常搶眼。

ANSONBEAN以多個造型出現，他說：「除了西裝造型感覺classy，都有着背心，有少少sexy的新鮮感，平時都有健身練肌肉，但今次就用了個幾特別的方法，我教練教我拍攝前一日不飲水，到拍攝當日食了一個黑森林蛋糕，令到糖分上升，肌肉脹大，出到來都好滿意。」所以他雖然自覺不是最靚仔，但貪靚並不是女生的專利，有些位更會比女仔更貪靚，但不可以依賴要去鍛鍊增加自信。

廣告主題「Don’t limit yourself」是ANSONBEAN的人生座右銘之一：「我覺得人任何時候都要學習、鍛鍊同突破自己，有人講過，好多人25歲已經死咗，直到70歲先入墳墓，就係講人在25歲就停止學習、成長同進步，人生已經無意義，所以我覺得任何時候都不可以令自己定型，要保持進步，這個世界好多有趣的東西可以學習，我有好多嘢都想由內到外進化，俾大家睇到新的我。」

ANSONBEAN熱愛武術有學跆拳道，不過早前他在拍攝自度武打短片期間弄傷後腿導致肌腱撕裂，要停止了動作訓練一段時間，現在踢腳動作有少少影響，其他都康復了，已行得跳得。