香港文匯報訊（記者 梁靜儀）林夏薇、馮盈盈、 劉佩玥、姜大衞及近日公開了戀情的張子丰和王菲等，前晚到尖沙咀出席無綫劇《逆天奇案2》慶功宴，男主角陳展鵬因有工作未有現身。

林夏薇(薇薇)表示好開心連續兩輯《逆天奇案》觀眾都喜歡，感恩大家有耐性追看，以及鍾意她和陳展鵬這對CP，不過她承認劇集開拍初期都有收視壓力：「第一輯受歡迎，第二輯就有壓力，扐時都有擔心收視，但有好圑隊有默契，有機會都想都同展鵬劇中再續情緣新發展。」薇薇又透露日前為自己的鑽飾品牌拍攝廣告，問可會以性感造型出現？她就賣關子說：「會有幾個唔同系列，有唔同季節嘅唔同感覺。」

顯得悶悶不樂的薇薇，透露三個月大的貴婦犬日前離世，更忍不住淚灑當場:「呢隻係新養嘅狗仔，養咗好短時間，帶佢返到屋企先幾日，同佢陸陸續續都有見幾次，發生得好突然，醫生話佢本身都有啲隱性嘅疾病。」說到和愛犬之間的緣份，薇薇邊哭邊說:「遇到牠係緣份，母親節當日帶牠返屋企，好似代表母親節我愛你，但520（5月20日）就火化，我帶咗佢返屋企葬喺棵樹下面，原本唔想出席晚宴，怕情緒影響到，但劇集有好收視都好想嚟支持。」

至於馮盈盈在劇中成功改邪歸正，由「國民妖精」變為「國民未婚妻」，她表示要多謝編劇的功勞。她又透露暫時未接到新劇，會主力做綜藝節目及要會幫手宣傳新一屆港姐競選。近年不停進修增值自己的盈盈又透露，已完成港大的食品管理碩士課程，下月將會舉行畢業禮。問到可會攻讀博士學位，她說:「都有心再進修，但要視乎幕前工作，同埋都要有教授收我做學生先得，隨緣啦。」

提到損壞黃家駒的墓碑被起訴涉嫌刑事損壞罪拘捕涉案的男被告，曾跟她合照，盈盈亦有留意事件，她說：「冇印象，可能同太多人影合照，但有留意事件，之後都會小心啲，我哋平時出席活動都有大會保安，有安全措拖，我哋喺親民時，都會對可疑或危險性嘅人提高警覺性。」

劉佩玥（Moon）早前在晚宴上獻唱容祖兒（Joey）的歌曲《逃避你》的片段被放上社交平台後，獲大讚人靚歌甜，唱功不輸給天后，對於歌喉獲讚，她卻驚多於喜:說：「千祈唔好咁講，見呢啲評語我都好驚，緊張，我係Joey超級Fans，由佢《未知》隻碟開始鍾意佢，千祈唔好講我媲美佢，我連佢一成唱功都冇，我知大家好錫我。」問到是否怕被Joey的粉絲鬧？她否認道:「唔係驚畀人鬧，係自覺未夠好，我係鍾意唱歌嘅，但我唔係唱得特別好嘅人，唔能夠相提並論，我希望每一次無論唱任何歌手嘅歌，我都唔好失禮原唱者啦，特別係Joey。」Moon又稱入行後都有見過Joey，更知道她的名字感到好開心。Moon又透露在晚宴上除了首次唱《逃避你》，之後都有再唱多兩首歌，原本大會沒有安排台下觀眾上台合照，但她見氣氛好，就請他們上台跟她合照。

熱愛唱歌的阿Moon被問到可有考慮參加《中年好聲音》？她卻覺得未有資格做專業歌手：「參加歌唱比賽就係行歌手路，我覺得自己未夠資格做專業歌手，其實啲人讚或彈我唱歌都冇所謂，對我係冇影響，因為呢個係我鍾意做嘅嘢，但如果做專業歌手，外間就以另一個level去評價。」不過她就希望有機會唱劇集主題曲，像張振朗、羅嘉良、陳慧珊及林保怡般，有機會主唱自己演出的劇集歌，覺得是榮幸外，亦可成為自己和觀眾心目中的經典。