香港文匯報訊（記者 子棠）視后胡杏兒參演的內地劇集《惜花芷》日前播出大結局，劇集開播以來成為網絡熱話，杏兒飾演的潑辣三夫人深受喜愛，被網民封為「古典夫人」。杏兒回想去年的拍攝點滴，最難忘是跟一眾演員相處的快樂時光，包括張婧儀、胡一天及高雄等。

對於劇中角色獲觀眾好評，杏兒相當開心：「呢個角色一開始都幾潑辣，口硬心軟，觀眾鍾意我演呢類比較氣勢強勁嘅角色，睇完感覺好爽，其實我都鍾意演呢類角色，有得同人鬧下交吖嘛。我都希望香港嘅觀眾可以睇到，始終自己有一段時間冇拍古裝。」杏兒角色跟家族的其他夫人，戲內明爭暗鬥，但戲外感情相當融洽，一班演員在煞科時亦非常不捨，不停合照留念；又感激去年拍攝期間得到剛好身在橫店的秦沛專程到片場探班，令她非常感動。杏兒又指難忘事還有當時正值橫店炎夏：「我哋好多時都係喺廠入面拍攝，雖然有冷氣，但係你穿着闊袍大袖，梳住個古裝頭，戴上頭飾都真係幾熱，唯一好處就係可以流汗幫手減肥，哈哈。」

而拍劇時最令她感到辛苦的是要跟老公Philip，以及三個寶貝仔Brendan、Ryan、3歲細仔Liam分隔兩地，杏兒情願犧牲休息時間，都要藉着拍劇空當穿梭香港和橫店，把握時間跟家人相聚：「自己變咗做空中飛人，老公都叫我計下自己過去一年有幾多次坐飛機，坐高鐵返嚟香港，但我都捱得同覺得一切都值得。」杏兒暫時都未可以休息，現在同時接拍兩套劇集，分別是跟羅晉合演的《時差一萬公里》，以及跟孫儷演出的《三十九二十八》，這次亦是二人繼7年前合演大熱劇《那年花開月正圓》之後，再次同框演出，兩位視后再一次互鬥演技。