林夏薇（薇薇）自摘下「視后」寶座後，劇集一劇接一劇，年初更曾捱到病要入院休養，然而無損她對工作的熱誠，演藝工作以外，她籌備多年的個人鑽飾品牌，亦正準備推出市場，薇薇依然十分享受工作帶給她的充實。◆採訪：梁靜儀、攝影：萬霜靈

薇薇夥拍陳展鵬主演的無綫劇《逆天奇案2》自播出以來收視理想，對於首次拍續集的薇薇可說是一大鼓舞。薇薇飾演的阿Wing，上輯因為森Sir（陳展鵬 飾）與Ana（馮盈盈 飾）發生關係而導致二人分手，飽受情傷的阿Wing今輯調職到心理服務課，但之後再重投前線工作，而她性格上亦有很大轉變：「第一輯阿Wing以森Sir、愛情為先，冇諗過自己，希望今輯觀眾可以陪阿Wing一齊成長。」薇薇說。除了角色性恪跟上轉變外，細心的觀眾不難發現，阿Wing在說話態度及用錢方面都略有改變，薇薇笑說：「一個開心嘅女人講嘢會嗲啲，一個獨立女性會強啲，阿Wing係慳家小女人，現在開始會唔要外賣，佢會堂食，諗自己多啲，工作為先，而今輯好睇嘅位係畀觀眾睇到阿Wing內心對森Sir的掙扎。」

劇中她跟「情敵」馮盈盈對峙的場口，薇薇笑言劇中的阿Wing善解人意又以大局為重，即使自己的內心掙扎也答應去幫對方。薇薇指這場戲雖然有冗長的對白，但最難的反而是阿Wing又再被挖開傷疤的內心戲，問到若現實中遇到有第三者介入感情，又會如何面對？薇薇笑說：「未遇過係唔會知，但以我性格，唔啱我係唔會去強迫，冇嘢可以勉強，要睇兩個人感情去到幾深厚，同埋人生好無常，所以對我來講簡單啲好，唔好太過複雜。（堅決唔食回頭草？）唔知呀，我暫時就覺得唔需要咁複雜。」

逼老公看親熱演出

薇薇表示老公莫贊生都有收睇該劇，並讚劇集有觀看性，也有給予中肯的評論，不過老公就不喜歡看到她的慘情演出：「老公都好支持我嘅工作，如果我好慘啲戲佢唔想睇，佢會瞓唔到，好似之前嘅《七公主》及《收規華》好慘情嗰啲戲，佢會失眠，佢鍾意睇我開心嘅嘢。」不過薇薇就認為最重要的是有發揮，像之前接拍的《黑色月光》，就是一齣暗黑劇集，看來薇薇老公又將要無覺好瞓了。薇薇又自爆有個「變態」習慣，就是逼老公睇她的親熱演出：「老公有時睇更我啲特別場口，好似咀戲就會行開，我會㩒『暫停』掣等佢返嚟，之後再一齊睇，我想分享我嘅工作畀佢睇。」

做生意會逆流而上

結婚9年的薇薇，覺得與老公的關係亦師亦友，又是生意拍檔，這種夫妻關係最好，亦可保持新鮮感。說到生意，薇薇除幕前演出，還要兼顧點心火鍋店生意，受到經濟不景氣影響，香港出現結業潮，不少老字號都相繼結業，薇薇的點心火鍋店高峰期曾有超過15間，近年雖有個別店舖結業，但她深信有危便有機：「生意永遠都係有起伏，係一個循環，所以都係盡做啦，食店生意因應市場調節唔同方案去應對，同埋最緊要有一班街坊支持。」

逆流而上的薇薇，以行動證明她對前景的信心，並再次挑戰自己，籌備多年的自家鑽石品牌Flourishan今個月便開始網上營運，是以近來經常飛來飛去睇鑽飾，並正積極物色地舖開實體店。問到投資可要8位數字？薇薇笑說：「冇去計，總之自己揼好多心機去做。」薇薇指成立這個品牌同環保有關，同時好想大家可以用較低的成本擁有靚的產品，相信每個人都會開心。薇薇又透露品牌第一個顧客就是自己：「之前拍《黑色月光》因為角色需要，所有鑽石都係私伙，總值冇計，最緊要出來效果靚。」至於個人收藏中最貴重的鑽飾，薇薇笑稱當然是結婚時老公所送贈的鑽飾。