香港文匯報訊（記者 梁靜儀）由黃劍文、葉巧琳主演的舞台劇《為你鍾情》將於8月舉行，雖然門票未正式公開發售，但預售門票已爆滿，昨日記者會上即場宣布加開2場。

會上黃劍文與葉巧琳即場唱出音樂劇主題曲《盡頭重遇你》，黃劍文受訪時表示今次是他首次正式演出舞台劇，除要演唱之外更要跳舞，雖然跳舞不是其強項，但他會努力。對於要演繹多首張國榮（哥哥）的金曲，自認是「哥迷」的他坦言很有難度，因每一首歌都有味道，很難去駕馭，他說：「在十幾年前我才開始鍾意哥哥，睇到佢喺電影中演出好有魅力，很多歌手翻唱哥哥啲歌都冇嗰種魅力。（會否感到壓力？）又唔會怕，因為我唔係哥哥，我會用自己的方式去演繹，加上我個角色唔係飾演哥哥，係一位咖啡店老闆，因為哥哥而與葉巧琳產生一段情。」

葉巧琳表示之前雖曾演過三十幾場舞台劇，但上次沒有跳舞成分，而今次卻要載歌載舞，都感到有點驚。她又透露與黃劍文會有擁抱戲份，但就沒有親熱戲。葉巧林笑說：「因為我男友唔畀！我唔會令到嗰樣嘢發生，（你會自己爭取？）如果係謝霆鋒當然好啦，男友知道除咗霆鋒以外一概唔得。」說罷即向身邊的黃劍文說對唔住。

此外，《中年好聲音2》評審之一的伍仲衡與樂壇前輩甄妮，因賽果而掀起罵戰，在比賽中得「梗頸四」的黃劍文表示在網絡上見到有關新聞，但沒有睇內文，所以不知發生什麼事。問到他覺得賽果是否公正？黃劍文認為每個評審的準則不同，而比賽當日自己病了，能夠獲得第四名已經很開心和感恩，所以沒有想太多。他又說：「我覺得評審有自己的喜好，每個人睇鍾意嘅都唔同，（是否說明了評審之一的肥媽也是揀自己的喜好，所以讓契仔古淖文奪冠？）我唔係呢個意思，可能我做評審都會揀自己鍾意嘅，（覺得肥媽可夠公正？）好難講，我覺得佢哋有佢哋專業，我自己本身狀態出現問題，我認為賽果係公平嘅。」至於爭拗事件上他會撐伍仲衡還是甄妮？黃劍文尷尬地說：「我唔知發生咩事，所以我唔知點撐？因為我自己唔鍾意鬧交，最緊要的是和平。」