灣仔區日夜都繽紛將於5月中登陸銅鑼灣，帶來「流行共響節」(Urban Jam Festival)大型盛典！

「流行共響節」係以都市流行文化、音樂及美食作主軸嘅特色露天市集。貫徹銅鑼灣嘅定位，展示區內多元潮流元素。銅鑼灣係承載潮流嘅土壤，畀最新潮嘅時尚同文化自由萌發。喺銅鑼灣，你可隨心感受設計師嘅創意作品同時尚先鋒推出嘅限量系列，探究年輕族群嘅生活美學。

多角度呈現銅鑼灣獨特魅力

Urbancitybeats：來自不同領域嘅表演，透過歌唱、舞蹈、演奏、街頭藝術創作等訴說銅鑼灣獨特個性。更會有城市描繪、點心托盤插花工作坊，展現文青生活品味。

UrbanFlavours：集齊豐富多樣嘅地道美食、新興食品、本地農場蔬果等。

UrbanCulture：強調個性化體驗與生活美學。考慮中嘅元素包括展示古董電單車、潮流服飾攤位、古著、經典紳士理髮(Barber)、身體彩繪、紋身等。

「流行共響節」係銅鑼灣嘅縮影，希望每個人都會喺度搵到自己喜歡、切合其風格嘅體驗。活動喺5月17日至19日(星期五至日)及25日至26日(星期六至日)，於銅鑼灣啓超道、白沙道、恩平道舉行，免費入場，誠邀您嚟銅鑼灣體驗充滿個性與生活態度嘅周末。