香港文匯報訊（記者 梁靜儀）鄭則仕（Kent哥）、冼靖峰（Archie）、蕭正楠、樊亦敏、曹永廉主演的無綫劇集《神耆小子》，將於下周一（5月6日）播映。劇中Kent哥的主要對手是劇壇新丁Archie，雖然二人演齡差距頗大，但演出卻一拍即合，IT專有名詞的對白亦應付自如，Archie笑言全靠Kent哥貼身指點，並細數Kent 哥3大暖心行徑：「首先是教講對白加揣摩角色，然後是近乎24小時貼身指導及慰問，第三點則是樂於與後輩分享人生經驗。由Day1到最後一日，Kent哥都係教緊我嘢，佢知我演戲經驗好少，唔單止教我講對白，又教我分析及揣摩角色，每拍完一場戲，休息時間他都會講解返場戲點解要咁做，拍完戲一齊食飯，佢又會講自己嘅相關經驗，教我裝備好自己，佢連off cam之後返到屋企，都會再Text我，教我邊場可以注意啲乜，臨尾仲一定加句『希望你拍攝順利啦』。Kent哥又會在同我傾偈時教我好多人生道理，用佢嘅人生經驗教我點去看待自己嘅事業。」到劇集拍完，Archie去拍《亞洲超星團》都仍收到Kent哥問候：「差唔多每兩三日就同我講加油！問我咩狀況、有冇咩困難？呢啲前輩邊度搵？」