香港文匯報訊（記者 梁靜儀）姚焯菲（Chantel）和呂慧儀昨日（22日）到藍田出席母親節活動，製作蔬菜花束，獲一班小菲象（fans暱稱）到場支持。Chantel表示今個星期便要回新西蘭返學，故此會提早慶祝母親節，打算去街市選購媽咪喜歡的西蘭花和帶子親自下廚。

呂慧儀笑言以前兒子都有送花給她，笑指囝囝當時在家穿着底褲應她要求行catwalk， 不捨兒子長大的她說：「個仔會怕醜唔似細個時會親我，但都會拖我，我會逼佢拖手直至佢唔想拖， 之前行街個仔見到有層樓幾靚，話將來買畀我，好窩心。」

問到Chantel會否買樓給父母？她說：「有想過儲夠錢買樓畀父母，但父母唔想搬屋，自己都想長大後擁有自己的物業，應該會買鄰近父母屋企。」呂慧儀即說生女真窩心。說到她可生多個？她即說：「係大難題，答唔到。」

提到Chantel日前在活動跳唱新歌，被網民指兩位女舞蹈員更搶鏡，她說：「冇留意。（有人留意新歌演出都係好事？）呢首跳唱歌都係突破，多謝大家喜歡並讚有青春活力。」對於兩位舞蹈員比她更fit ，Chantel也讚兩位舞蹈員靚女，笑言不會換走舞蹈員，因她們是她的好友，亦沒因此不開心。