（香港文匯網記者 梁靜儀）滕麗名、林淑敏、古佩玲、楊明及劉丹等昨日到將軍澳電視城宣傳處境劇《愛·回家之開心速遞》，眾人分組玩遊戲宣揚環保，司儀招浩軒更被樊亦敏笑窒冇帶腦返工。

林淑敏表示很不習慣用紙匙羹進食，因為紙匙羹很容易會溶掉，變相「加料」，現時都開始培養自備餐具，更會自備午餐。滕麗名直言接受不到紙餐具，早已有自備餐具的習慣。她又說：「之前去印尼潛水，都見到好多膠、所以我都唔食海鹽轉食岩鹽，都感受到環境受影響，滑雪時見到好多直升機，因為融雪得好犀利，好多人受傷，有小朋友就加應該為下一代着想。」

提到兩人劇中的弟妹鄭世豪及各蘇韻姿相繼離巢，林淑敏表示不捨得鄭世豪離巢：「但外面成見到到，佢唱歌好叻，出面都有多工作機會，關係會一直維持，是一生一世，佢跳出去可以試新嘢都幾好。」滕麗名則表示：「有同蘇韻姿和食飯保持聯絡，當然唔捨得。（離巢有冇問你意見？）唔好咁多人知好啲，會左右佢決定。」至於人少了她們的拍攝時間有否變多？二人表示有很多新人加入，很靚女。林淑敏指楊明越來越投入，展現到搞笑的一面。

古佩玲表示會多打開窗戶讓空氣流通減少開冷氣來環保，同時亦會經常清理衣櫃及減少買衣服，又笑言公司都很環保：「見過自己啲戲服有港姐都著過，著得比自己靚。」

她又稱有和已離巢的蘇韻姿食生日飯，大家私下很好朋友，會一起放狗，加上同樣在加拿大生活過，更會分享思鄉病，對於她離巢並不會擔心。說講到她可正式融入熊家？她笑言只是租客，現時仍是借住安仔的房間，沒有瞓過紅衫魚間房。