（香港文匯報記者 梁靜儀）洪嘉豪（Kaho）昨日到觀塘出席護膚品牌活動，吸引不少fans到場支持，剛完成兩場紅館演唱會的他笑言後氣大傷，放了兩天假仍未恢復，他笑說：「我以為自己喺慶功宴會狂食，但結果係好靜咁坐低食嘢，可能我不再年輕，我又衰懶醒，本來經理人問我開完騷要不要放假休息，我話唔使，可以繼續做，明日又做校園騷。」 說到他好像瘦了一點，他指演唱會前有120多磅，因為演唱會上要露腰，不過為免親友和粉絲擔心，他在飲食上都有少少放縱，去吃麻辣食品。

問到他可有邀請之前傳緋聞的郭柏妍欣賞其演唱會？Kaho說：「知她因傳緋聞感到自責，我有主動喺Ig叫佢唔使抱歉，仲叫佢如有興趣可以安排到兩張飛畀佢，佢有回覆話唔好意思，若然她今次沒有睇騷，下次再請佢睇。」

Kaho又稱有反思紅館個唱有做得不好的地方，多謝擔任嘉賓的張敬軒（軒公），提供不少寶貴意見，「我做第一場上到台好似抖唔到氣，佢即教我換衫出場唔好跟工作人員一齊心急，要協調自己的呼吸節奏，同埋第二場支咪，唱4首歌就失靈，好彩有帶備軒公送畀支咪頂上。」問到如何報答對方？他笑言會讀好軒公送贈的音樂課程及會送禮物。