香港文匯報訊（記者 梁靜儀）黎耀祥、胡定欣、張振朗、袁偉豪、姚子羚、朱晨麗及監製鍾澍佳昨日出席《香港影視博覽2024》舉行的騰訊視頻推介會，宣傳TVB 77工作室的新劇《巾幗梟雄之懸崖》及《反黑英雄》。

黎耀祥(祥仔)與胡定欣去年底完成新劇《巾幗梟雄之懸崖》，談到拍攝過程，祥仔表示辛苦但開心：「辛苦嘅，最辛苦係拍攝日程好長，日日同時間競賽，最難忘係好我同定欣喺稻田睇日落，個太陽位置飄忽不定，好彩最終都拍到。」

為了今次角色，祥仔事前更刻意減肥：「瘦咗十幾磅，都係食少啲，不過一開工運動量就好大，每日帶住手錶度運動量都超標，同埋監製好好，安排嘅飯盒都少油少鹽多菜。」

近年一年只拍一劇的祥仔，他說：「唔係刻意減產係精選工作，冇辦法，年紀大體能唔及以前，況且都拍咗咁多年，角色同劇本好多都試過，但永不言休，因與同幕前幕後建立咗長久關係，突然唔做好傷感情。」祥仔又指自己都要跟隨時代趨勢改級變工作模式：「而家我都有同TVB做網上直播，亦會拍短片放上抖音，建立自己嘅人設。（直播定拍劇好搵？）冇得比，睇你點睇啦，日薪就一定係。」他又指現時的工作大多在內地，而內地市場也是一條出路，困着自己的市場只會越縮越細。

胡定欣亦表示因在兩個半月拍了75組戲，以致消瘦了不少，尤其是第一個月最辛苦，因要適應角色，加上她有很多主景，每日通告都是「頂天立地」，由最早到最後一場她都要拍攝，拍到第三日已明顯收水瘦了，她拍完400多場戲後，體重已跌至低於50公斤。

定欣又稱今次動作戲不多，但對白卻很長，要動腦筋很費神，所以她都很佩服祥哥記性好，自己都有向他請教如何消化到長對白又能演到戲。她笑指拍這套劇不能懶惰，因隨時要講幾頁紙對白，對她都是個考驗。二人第8次合作，定欣覺得是緣份，亦師亦友，而她對這個劇集系列亦有一個情意結，因為第一、二集她亦有份參與演出。此外，她在新年期間去了日本滑雪，她笑言是成就解鎖。

朱晨麗表示剛拍完《反黑英雄》，即將又要為另一齣劇集《反黑》開工，都有點混淆，幸好兩齣劇角色不一樣，在《反黑英雄》中暫時飾演女警有很多打鬥場面，雖然有損傷，但問題不大。

她謂之前農曆新年都要開工，但沒見四年的媽咪來港陪她，她特別訂位帶媽咪去睇煙花，今次更是兩母女第一次在港睇煙花過年，感到好好開心。問到可有買禮物送給媽咪？朱晨麗說：「我健健康康已經係最大禮物，當然都有買禮物及畀現金媽咪。」早前陳煒(煒哥)爆她有男友，問到媽咪會更想她帶男友給她見？朱晨麗笑說：「而家唔講，隨緣啦，唔心急，煒哥想做紅娘，(有冇介紹醫生朋友畀你？)佢講咗好耐，但冇。」

無綫前日宣布將開拍《新聞女王 2》，該劇監製鍾澍佳表示將於年底或明年初開拍，故事將會是第一輯的延續。他又透露新一輯除了遊原班人馬演出之外，又會加入新角色，除了有黃宗澤之外，還會加入兩個新角色，分別是一個好壞及一個好好的女主播的，條件是要後生女，但暫時仍未有合適人選，他歡迎大家自薦。