（香港文匯報記者 梁靜儀）無綫處境劇《愛•回家之開心速遞》一班演員劉丹、滕麗名、呂慧儀、林淑敏、周嘉洛、單立文及林凱恩等，6日以華服現身，眾人又玩寫賀年詞遊戲，又有轉風車祈求平安，期間有隻蝴蝶飛到古佩玲的頭上，非常搞笑，活動後又向現場巿民大派利是封。

林凱恩早前捲入「男友」Vincent餐廳拖糧風波，有指其「男友」涉及拖糧近50萬元，林凱恩被問傳聞時，否認對方是男友，指對方只是朋友，明白大家擔心， 但對她來說只是小風波，不過都感到不好意思。問到事後有否聯絡Vincent？她說：「都有，佢話唔好意思影響到我，話請食飯，不過我話下次先。（是否驚了？）唔係，佢哋都有問過我會唔會因為咁樣唔再交朋友，我覺得識朋友係用心，能夠幫到佢我都會開心。」至於對方的財務問題是否已解決，林凱恩就表示不太清楚。問到若有朋友向她借錢又會否幫手？她笑言都鍾意幫助別人，但會跟對方講，希望今年多工作機會：「賺多啲錢，出錢出力，或者俾多啲正能量佢，不過而家未有錢。」她又謂朋友若有問題，可以找她作心靈上的輔導，因為自己的媽媽本身也是輔導員，所以都教了她很多這方面的事情，並指與朋友相處都會以關心和真誠為主。

至於感情狀況，她就表示一日未肯定都不會講，問到新一年是否想搵男友？她說：「希望今年公司俾多啲男友我，可以見識多啲唔同年齡層嘅人，問佢哋有對手戲。」林凱恩指自己擇偶不分年齡，由區瑞偉到劉丹的年紀可以，她說：「年齡唔係問題，買到我靈魂、有趣，可以照顧我心靈。」當問到是否受好姊妹郭嘉文影響時，她就答非所問，表示希望她們的感情可以繼續。

滕麗名(阿滕)與呂慧儀(長腳蟹)兩位人妻，今個農曆新年一個出埠旅行，一個留守香港消費。阿滕表示已有幾年沒有請假，所以今個新年請了兩個多星期，與老公去日本旅行，順到探望在當地開民宿的朋友。

長腳蟹就表示以往過年只放年初一至年初三，但今年卻有七日假期，年初五才開工，原本計劃與蟹籽去旅行，不過因有家人由外地返港，計劃只好取消，新年只好留守香港消費，改為去主題樂園，不過蟹籽(兒子暱稱)亦沒有失望。問到會否帶緋聞男友張景淳見親友？長腳蟹自爆已見家長：「我阿爸同熊家阿爸都影過相。」難得親戚會講過年，長腳蟹表示會下廚煮海鮮。說到她去年開了教育中心，賺到錢今年會否封大利是給兒子？長腳蟹即說：「唔好喇，穩定啲好，我已經開壞咗個頭，過幾年先。」阿滕即爆長腳蟹連蟹籽甩牙都封利是，中西合壁。

劉丹(丹爺)表示今年會留港鎮守家中：「幾年前屋企立咗個規矩，年初一搵個地方約埋一齊團拜，大家唔使走來走去，開開心心一齊食餐飯及派利是，我一提議好多人大都響應，因大家不用再抽時間到處拜年好方便，團拜完想去旅行嘅咪去囉。」不過他表示今年不會出埠旅行，要留守屋企，等候親友來拜年。問到熊家會否上門拜年？丹爺笑說平時開工已經常見面：「唔使啦，我哋初五開工會見，要準備定多啲利是就真。」

他又指兒子劉愷威會帶孫女「小糯米」同一班朋友去旅行。丹爺又大爆快將10歲的孫女已開始對衣着有要求：「每朝返學都要揀衫、襯鞋，我話返學都係着校服使乜揀呢？不過如果要出街就有排揀，又揀衫又揀鞋鞋，淨係頭箍都有十幾個。」他表示不敢隨便買飾物給孫女，怕不合心意。