（香港文匯網記者 梁靜儀）譚玉瑛重提同性戀傳聞，自揭同另一半歎Fine Dining ，豪言「第時嫁你就知」。又親解周星馳打小朋友之謎 ，梁朝偉電眼失靈被破。

由陸浩明（6號）、名廚楊尚友（Christian）主持的綜藝節目《不如食豪D》，明晚（25日）輪到譚玉瑛出場，她表示當年初學品酒，經常光顧一間五星級酒店的中菜廳，試過一味「椒鹽田雞腿」後，自此成了每趟必食的一道菜。譚玉瑛提到最豪一餐，是30年前跟另一半到法國品嚐的fine dinning，二人吃足4小時，埋單要7,000多元。

譚玉瑛早年主持的《閃電傳真機》、《430穿梭機》、《放學ICU》等兒童節目，先後與周星馳、梁朝偉等巨星合作，陸浩明（6號）自然趁機八掛一番，當中周星馳打小朋友的謎團，譚玉瑛親自解開︰「我真係未見過佢打小朋友，佢直頭廢事啋你。就算啲小朋友問佢啲nonsense問題，佢都係『唓』跟住就走，佢嘅表情係『廢事同你講咁多』，唔會鬱手。」她透露周星馳為人沉默，不太喜歡說話。

6號則好奇譚玉瑛有否被梁朝偉的「電眼」電過，她斬釘截鐵表示︰「無喎，做嘢就做嘢，就算電都唔覺，可能淨係我係咁。啲人仲試過話我同性戀添，等第時我嫁你就知。」

講起兒童節目，當然不能不提女神朱茵，她雖然只擔任了半年主持，但已引來狂風浪蝶。譚玉瑛爆料時猛讚朱茵︰「佢真係好醒，有位大家都好憎嘅男主持同朱茵獻殷勤，問要唔要幫佢買早餐。佢真係話『好吖，你幫我買咩咩咩啦』，嗰位男仕即刻撲去買。」接住譚玉瑛同朱茵坐上公司車準備出外景，該男主持氣沖沖趕來，一手撥開譚玉瑛，眼中只有朱茵遞上早餐，譚玉瑛說︰「我係被撥嗰個，所以好記得。」至於當事人是誰，明節目中會有交代。