香港文匯報訊（記者 梁靜儀）明日播出的第二集《歐洲鐵騎遊》中，袁偉豪（Ben）和張振朗慢遊意大利小鎮，一邊嘆咖啡一邊回顧昔日「搏命」歲月，Ben坦言30歲到38歲期間將身體嚴重透支，他說：「拍完《鐵探》之後身體係好差，但對於我自己嚟講係問心無愧。」Ben拿出拍攝《鐵探》時皮包骨的照片，笑言當時的身形似足「道友」，並坦言：「拍完之後身體係『彎』咗，唔係點解大家會成日覺得我好攰、好殘，其實我都唔想嘅，係咪真係值得咁做？如果問多我一次我都係會咁做。」Ben續指當時的身體狀況差到連欄杆都跨不過，他說：「我嗰時攰到嘅狀態係，我去到欄杆面前發覺自己腳軟，好似有把聲同我講『你唔掂呀，你跳唔過去㗎！』我真係feel到晏晝食嘅嗰粒雞蛋，朝早食嘅粟米片已經用盡，曾經香港先生操返嚟啲肌肉冇晒！」

振朗則重提其中一年台慶的「搏命」實錄，他說：「有一年台慶有個環節係講訓練班，我係要做一隻馬騮，講我要撻落一張枱度，一Action時腎上腺素飆升，當時冇攬到腰封就飛起身撻咗落去，之後就覺得好大鑊，最後都繼續死頂做埋佢，第二日即刻去咗睇醫生！」他還透露了少許新劇《奪命提示》拍攝事宜，他說：「我以前做動作戲好瞓身，一嘢就會飛埋去，但Jazz（監製文偉鴻）就好好，佢好注重大家嘅安全，一定會保障大家唔會有意外發生，去到最危險嘅前一步就停！」