香港文匯報訊（記者 梁靜儀）袁偉豪（Ben）與張振朗昨日到電視城出席節目《歐洲鐵騎遊》記者會，分享首度參加鐵騎旅行團的難忘事，會上又播出二人在法國、意大利及德國等地拍攝的片段，「地獄黑仔王」張振朗更發生意外，入彎時連人帶車倒地，嚇到阿Ben大嗌「大鑊喇」。

二人此行親自駕駛心水電單車，由法國尼斯出發，途經意大利、奧地利，終點站為德國柏林，全程二百多公里。有「地獄黑仔王」稱號的振朗，談到行程中發生意外，他自嘲說：「呢啲意外發生我身上都唔意外喇。」他指當時天氣很惡劣，地面濕滑，而今次也是他人生第一次炒車。問到阿Ben可有被嚇親？阿Ben就稱沒有：「因為喺危險情況下要保持冷靜，慢慢將車停喺一邊，再走去檢查振朗身體，只係件衫爛咗少少。」至於阿Ben指在當地時速四百公里行車屬平常事，又自爆外母睇到他在社交平台分享的駕駛片段後都被嚇到。

問到二人可怕節目出街後，會被家人禁開電單車？振朗笑說更加愛揸電單車：「我唔會理，但會再小心啲，做自己鍾意嘅事好開心，其實開電單車冇大家想像中咁危險，好多駕駛者喺路上守望相助，我拍完節目返港後都以電單車代步，連私家車牌費過期都唔理。」

至於快將為人父的阿Ben，則後悔開快車：「雖然寶兒（太太張寶兒）話『幾好喎』，但因為片段嚇親好多人，我會小心一啲，唔會令自己有閃失。」阿Ben又指太太都受他熏陶考獲電單車牌。

提到太太預產期在11月，阿Ben表示仍在揀選BB車中，而月底他將要到深圳拍新劇《反黑英雄》，預計拍攝個半月，他說：「今次同陳山聰、張振朗一齊拍，已經請咗四日假返嚟。（請幾日太短）唔夠膽請一個月假，都無辦法。（太太開刀生？）應該係，我都會入產房剪臍帶。（唔驚血淋淋？）應該唔會。（太太指你無嘢驚？）我最驚係佢。」身旁的振朗即大讚：「怕老婆會發達呀！」