香港文匯報訊（記者 阿祖）陳家樂去年6月初向女友連詩雅（Shiga）求婚成功，昨日一對準新人懷着幸福愉快的心情正式對外宣布婚期大日子定於4月24日。二人亦已經拍下婚紗照，Shiga一身白色露肩婚紗與穿黑色禮服的家樂合襯，戴上婚戒的兩人鼻尖相碰，Shiga輕撫家樂臉龐，家樂則親吻Shiga玉手，每一個甫士、表情都難掩甜蜜溫馨愛意，Shiga左手無名指上的一顆閃爍鑽戒，同樣閃爆大家的眼球。

一對準新人家樂和Shiga將大婚日子定為4月24日，乃聽從家中長輩安排，特意找來師傅幫忙擇良辰吉日舉辦婚禮，祈願兩人百年好合，永結同心。為了留下更多美好的回憶，家樂和Shiga分別在香港和日本選了好幾個不同的地方取景拍攝婚紗照。家樂說：「今輯婚紗相有幾個地點，其中一個是我們剛剛開始拍拖曾經去過的一個沙灘，對我們來說特別有紀念意義，所以今次再次踏足這個沙灘一起睇日落、數星星，重溫我們當時種種的浪漫。」

婚紗照拍攝團隊 全是好友

提到今次幫忙操刀婚紗照的合作單位來頭不小，皆因整個團隊都是各自陪着家樂和Shiga 成長的多年好友。家樂鄭重介紹說：「攝影師是我的同學，而造型師則是Shiga的好姐妹，整個化妝、髮型團隊足足有二十多人，陣容強大。」由人生早期階段，直到見證好友踏入婚嫁的禮堂，同樣也印證彼此永固的友誼，讓兩人分外感恩地表示：「整個拍攝團隊超級幫忙，加上全部都是好朋友，氣氛相當之好，拍攝婚紗照當日更有種預演婚禮的感覺，內心好感動。」

而一對準新人亦於各自社交平台分享一張開心俏皮舉杯慶祝的婚紗照公開喜訊，Shiga說：「知道一直以來大家都好關心我哋嘅大日子；原來要籌備一個婚禮，真係一啲都唔簡單，所以想將事情安排得好一點，才公布日子，終於等到陳生完成手頭上嘅工作，可以拍婚照，然後有張好好睇睇嘅照片一次過公布消息。好開心！今日終於可以同大家正式宣布呢個喜悅，2023年4月24就係我哋Big Day啦，期待嗰日見到我哋親朋戚友朋友們見證我哋重要嘅時刻，到時見！要找到個喜歡陪我數星星睇動漫嘅人唔容易，但係我找到啦，陳生辛苦啦！」

連詩雅 包辦準備酒席過大禮

家樂也開心分享：「呢幾個月差唔多日日被人問幾時擺酒，問到我鬼咁尷尬，因為我同未婚妻都希望可以準備好晒，影晒婚紗相，有張靚靚邀請卡先正式公布。但偏偏我呢幾個月又好忙，想放一日假都好難 ，成個婚禮嘅準備過程基本上都冇辦法落手落腳去處理，好在未來陳太真係好叻，一個頂十個好似打多份工咁，將所有事攬晒上身做，大如酒席、過大禮，細如老爺奶奶着咩衫都搞得掂，唯獨婚紗相真係要等我先影到，所以公布嘅日子一拖再拖。好開心今日終於可以同大家正式宣布！2023年4月24日係我哋嘅大日子！好朋友們，炸彈陸續送到！」他又大讚未來陳太真的好叻，更叫朋友們要請定假去飲他這餐喜酒。