香港文匯報訊（記者 梁靜儀）無綫綜藝歌唱真人騷《中年好聲音》，12強化身Rock友合體拍攝《不再猶豫》MV，3分鐘足本版本今晚8點半首播。

昨（5日）晚播出的一集，是第五部曲次回合《譚校長金曲！爭入12強！》，一輪激戰過後，12強名單正式出爐，分別是周吉佩、羅啟豪、龍婷、支嚳儀、曹敏寶、吳大強、梁浩銓、顏志恆、塗家堯、林鉫徫、丁文俊及李佳。本回合奪得91分的支嚳儀獲頒MVP，至於魏嘉信、何博文及鮑聖光則被淘汰。

成功晉身12強的李佳，昨晚獻唱《半夢半醒之間》，擅長唱普通話歌的他表現亮眼，出色的演出駕馭整個舞台，最終獲得89分成為昨晚一集最高分，獲校長譚詠麟大讚：「你係一個唱將，一個好唱得嘅人！」校長指廣東話版《半夢半醒》好多人聽過，但普通話版的《半夢半醒之間》則別有韻味，校長更即場高歌數句普通話版，表現精彩。

是集被淘汰的魏嘉信，獲太太到場支持的魏嘉信，在台上發表感言時，不禁淚崩說：「老婆，一路都唔想你嚟睇我比賽，係因為唔想你睇到我輸，反而今日好開心，因為有你喺度，冇晉級到都唔緊要，你一直喺度支持我，解開咗我嘅心鎖。」之後嘉信再向太太發表愛的宣言：「成個比賽係我同你一齊參加，如果冇你喺背後幫手同支持，冇可能走到呢一步，真係要好多謝我太太，我係好愛好愛好愛你。」場面感人。

12強選手日前合體拍攝《不再猶豫》MV，3分鐘足本版本將於今（6日）晚8點半翡翠台首播，評審之一、資深音樂製作人伍仲衡為歌曲重新編曲，伍仲衡還會為12強精心分配一人一句獨唱，以凸顯各「好聲音」的個人特色及長處。

MV中12強選手齊齊化身Rock仔Rock女，造型以紅、白、黑為主色Tone，再加上皮褸、鍋釘等元素，型爆十足兼Rock味勁濃。