香港文匯報訊（記者 子棠）張敬軒首次執導的手提電話品牌廣告微電影《前夫的愛》，前晚在MEA廣告頒獎典禮中獲頒4個獎項「Excellence in Social Media - Gold」、「Excellence in Branded Content - Gold」、「Excellence in Advertising - Silver」及「Excellence in Video - Silver」；而軒仔在無預警下親身到場領獎，還引起現場排長龍跟他集郵。

首次執導即以導演身份獲獎，軒仔稱感覺好開心又好特別，因入行二十年，第一次得到與音樂無關的獎項，亦感很榮幸，得到廣告客戶支持、投資及信任。整個拍攝過程中，軒仔表示最困難是經驗不足，所以他特別感謝團隊。問到得獎後會否激發他多參與幕後拍攝工作？他謂：「通常做歌手或者做演員，都係幕前演出，但做導演要兼顧嘅嘢實在真係好多好多，一啲都唔容易；我仍抱住學習嘅心態，去試多啲唔同範疇嘅嘢，或者將來可能遇到一個好好嘅劇本，令到自己又心思思想再突破一下自己的極限，睇緣分！」