香港文匯報訊（記者 梁靜儀）前港男冠軍高鈞賢闊別6年後重返TVB演出劇集《白色強人II》，劇中他放下靚仔包袱，催淚演出獲讚。

高鈞賢在前晚播出的一集中出場，他飾演李文信Vincent（陳豪飾）昔日戰友兼好友關卓軒Ryan，5年前二人同為世界醫護團醫生，臨回港前因代替Vincent出勤發生意外、遭子彈射傷頭部，嚴重影響記憶及語言能力。事隔5年，受持續抽搐困擾兼手腳不受控制的Ryan，追賊期間遭扑暈被送往明成北醫院並與Vincent重逢；大感喜悅的Ryan擠出扭曲的笑容與Vincent話當年，其間突然暈倒，原來Ryan腦內子彈已移近腦幹，隨時都可能心臟停頓。雖然全程要抽搐着演戲，但高鈞賢依然能做出倔強、着緊、無奈、喜悅、猶豫等多種不同層次情緒，令網民大讚其演技突飛猛進。

高鈞賢透露為了做好角色，找來舞台劇肢體導演黃俊達一起研究，又在網上睇好多資料，亦問過醫生意見，因不想做得太誇張，亦都睇了好多子彈留喺腦入面的真實個案，而拍攝時他為角色創建心路歷程，要逼自己無視現場台前幕後，他說：「我有同導演商量，因為個角色老婆走咗，又被搶救過一次，佢作為醫生都知道自己仲剩返幾多時間，因為唔想連累最好嘅朋友陳豪，所以放棄接受進一步搶救。」