香港文匯報訊（記者 梁靜儀）游嘉欣、孔德賢及丁子朗昨日出席商場的消費券活動，嘉欣表示最想用消費券買衣服、健康食物及用在交通上，孔德賢就最想去超市掃貨。

游嘉欣入行以來一直聲稱未拍過拖， 說到她與林正峰的緋聞傳個不停，問到她何時公開戀情？她笑說：「只係忙工作，都冇時間出去識人，（你哋一齊拍劇，咪開工時拍拖？）唔係呀！又係佢？我哋冇聯絡，（冇聯絡都一齊去游水？）係朋友囉，好多朋友都唔會keep住聯絡，離開咗公司就唔會講嘢！（即係搵對方攝時間？）得閒咪一齊食餐飯。」她又突然透露日前是林正峰的生日，問到她有否跟對方慶祝，她就說：「冇慶祝，但有祝福佢！祝佢生日快樂。」她又稱為免惹來誤會，故不會單獨與林正峰食飯慶祝。

孔德賢話單身 自己下廚

孔德賢表示因疫情關係多了在家煮食，最想去超市掃靚食材，他說：「自己平日都有下廚，加上近日要開工拍新劇《你好，我的大夫》，自己煮自己食，最近就睇電視學煮咕嚕肉，味道都OK，但就嫌要用太多油。」說到他可找女友下廚時？他聲稱沒有女朋友。問到是否因與廖慧儀的負面新聞對他的打擊很大？他否認說：「唔係，只係工作排滿晒時間，最近又鼻敏感發作，有時間就想去做運動鍛煉身體。」

至於廖慧儀最近就成為無綫娛樂新聞台主播，再度活躍幕前的她不時在社交平台更新自己的近況，前日她上載了泳衣Look享受陽光與海灘的美照，不吝嗇大晒好身材。