香港文匯報訊（記者 文芬）近期備受關注的新晉歌手曾比特（Mike）接受港台《舊日的足跡》的訪問，分享對音樂的熱誠、與家人的關係，並且透露希望盡快成家立室。

Mike在音樂節目中演唱上世紀八十年代歌曲《初戀》而爆紅。他選唱此曲全因當年周星馳於電影《食神》中，穿着學生裝並配以這歌曲的畫面，令他印象難忘。對於突然走紅，Mike說：「我唔覺得紅定唔紅，我冇太大概念。我最想戴住頂帽去旺角買格仔餅食。我只係一個普通人。如果要用四個字嚟形容，就係『不知所措』嘅感覺。」

Mike一向熱愛唱歌，中三那年獲得校內歌唱比賽冠軍，但沒有因此讓他增添自信。他坦言從小到大自覺「唔靚仔，而且太肥」，對自己的外形沒有信心。他表示：「其實我媽媽一直都鼓勵我放心去做，唔好太介意結果。我哋屋企唔習慣講好多嘢，但就總會感受到佢（ 媽媽 ）嗰種鼓勵 ，咁已經足夠！」「爆炸頭」是Mike的標記，讓人一看就認出他。原來這特別的髮型是遺傳自曾媽媽，全家人只有媽媽和他是天生「鬈毛」。

讚同鄉炎明熹可愛有趣

Mike謂一直希望送自己的唱片給媽媽。當從長沙回港後，他就會立刻去買一張自己的唱片送給媽媽。「我去買，因為台前幕後都付出咗好多，所以我自己都要出返一分力去支持！」

提及同是汕尾人的炎明熹，Mike表示對方尚未出道已聽過她唱歌，並指她歌藝佳，人可愛，說話有趣，希望兩人有機會合唱。他也欣賞陳奕迅是一個多變的藝人，為人友善風趣：「我哋第一次喺公司見面時佢化緊妝，當時我好緊張，偷睇佢，佢同我講聽過我唱歌，話我唱得好，叫我繼續努力。（有說你是其接班人？）我當然好多謝（讚賞），但係做接班人我好驚。我覺得作為一個歌手，做好每一首歌，一切由心出發已經好足夠！」Mike有個目標—希望大眾能從他的歌曲得到共鳴。

Mike現年28歲，現時身處長沙，坦言好掛念女朋友。「我哋喺教唱歌嘅時候認識，𠵱家感情愈嚟愈好，梗係要畀安全感佢。溝通好重要，為咗畀定心丸佢，我買咗部琴喺酒店練習，基本上我大部分時間都喺酒店房間。我哋拍拖差唔多六年，我希望盡快結婚，但諗起𠵱家係（事業）起步階段，必須考慮將來嘅生活，（現在）要更加努力。我喜歡佢因為佢唱歌好好聽，無論生活上、舞台上佢都係一個好charm嘅人，成日都有一個好吸引人嘅笑容。我鼓勵佢參加比賽，但係佢好怕醜。」