香港文匯報訊（記者 梁靜儀）譚俊彥（Shaun）、張頴康、鄧佩儀、劉佩玥、蔣家旻及羅孝勇等昨日到觀塘宣傳台慶劇《換命真相》。劇中鄧佩儀、劉佩玥與蔣家旻將因感情事反面，鄧佩儀與蔣家旻異口同聲指現實生活中曾遇渣男，鄧佩儀更被男友和閨蜜雙重背叛，劉佩玥亦稱只希望有段平淡的感情，張頴康便是人辦，婚後與太太過着簡單而幸福的生活。

鄧佩儀、劉佩玥與蔣家旻在劇中原本是好友，但卻因感情事反面，劉佩玥為試探渣男真面目卻被鄧佩儀誤會她撬牆腳。

鄧佩儀自爆入行後也曾遇過渣男，她說：「有個識咗五六年，好信任的女仔朋友，同自己男友一齊，兩個都係圈外人，（因為你冇時間陪男友？）渣男係冇原因，（你點發現？）自己會感覺到，明明係正常對話都會見到二人有關聯，網上又會見到好多相，留低好多線索，始終對方玩慣，（朋友有冇幫你？）佢身邊朋友都會幫佢，所以最後沒朋友做。」蔣家旻似有感而發說：「所以閨蜜不能信。」她又透露也曾跟圈外渣男發展，拍拖期間對方私下都有去結識其他女仔。

劉佩玥表示從身邊朋友口中聽過很多這類情況，都會戥朋友覺得好嬲，但認為感情事中男女雙方都有錯，故她不會介入，只會做智囊為好友分析，讓對方自己去處理，因覺得朋友的感受最重要。她又稱對感情都睇得好淡然，都希望有一段平淡的感情，也不想有一段轟烈的感情，因為在劇集中已試過。她又笑指老友張頴康便是人辦，在劇集中的感情都好轟烈，但現實中與太太就好簡單幸福，令她很羨慕。

譚俊彥唱劇集片尾曲

已第三度合作的Shaun和張頴康（阿康），齊聲表示有傾不完的話題，連女同事都搭不上嘴。問到他們有什麼好傾？阿康就笑說：「肝、腎好多器官都會傾，（傾湊仔經？）傾嚟都嘥氣，小朋友自己會長大，大家嘅湊仔方法都唔同，傾都冇用。」阿Shaun表示因平日大家都很忙，很少會特別相約出來，但有時在電視城開工，知道對方都在開工時，都會等埋對方收工傾偈。

曾出過唱碟的阿Shaun，今次為劇集唱片尾曲，他表示因劇中都會唱歌求婚，監製就提議他唱。問到會否想再出唱碟？阿Shaun即說：「唔會喇，自知冇唱歌天分，唔似Gigi（炎明熹）聲靚，今次唱歌每朝都要練好多次，練咗幾個星期。」Shaun又稱也有鼓勵阿康唱歌，不過阿康就怕壓力大，他說：「公司有搵我上新歌唱節目，但我好快就回覆『唔上』，因為要不停練歌，同埋壓力好大，唔似拍戲係自己嘅舒適區，知道點樣發揮最好。」