【豐力深作】第三場賭單Q

黃子豐

今期賽事，左睇右睇亂到不得了。就第三場介紹條單Q。呢場有兩隻馬，近期飛數有?啟示，分別係阿蔡的「泰泰精神」同威哥隻「勁進駒」，先講講隻「泰泰精神」，呢隻馬贏完埸四班谷1200後，連續跑兩場四班田草1400，其實呢兩場馬，一場5倍，一場唔夠4倍，兩場都算係有飛有表現，其中526嗰場，如果唔係大脫腳，更可能已贏咗。本來有咁好賽績嘅佢，近期跑三場四班1400，居然一啲飛都冇，睇番隻馬，唯一嘅變動，就係呢三場無緣無故加咗個頭罩，結果冇飛冇影，今次突然除咗個頭罩，小心佢突然變身。

第二隻係威哥隻「勁進駒」，呢隻細粒仔馬仔細細，大家純睇飛數，會睇到佢一抽外檔就冇飛，但抽內檔飛數就唔同。大家睇下潘頓第一次騎佢時抽六檔，隻馬之前從來冇飛，結果139場買到唔夠3倍，輸咗後連埸跑四班1400抽外檔，次次冇飛冇影。上次繼續跑四班1400，其實乜都冇變過，淨係變咗個檔位，由連續四次抽外檔，上次變排三檔，結果差啲飛到馬到。今次繼續抽個好檔，睇下可唔可以交代，亂局中就吼呢兩隻。