作為稻香集團第二代接班人之一，集團營運總監鍾凌峰由洗廁所、洗碗和樓面等低層崗位起步，目的是為了解酒樓日常運作和員工在工作上種種問題。而對於疫情過後大多數酒樓指生意額仍未回復到疫情前，鍾凌峰認為，業界應該朝創新出發，填補失去的生意額，並強調飲食是生活必需品，只要有心去做，一定有得做。
採、攝：《香港仔》記者康志強
鍾凌峰和兄長鍾震峰兩人當年加入稻香集團，其實背後有一段故事。鍾凌峰表示，兩人海外學成回來，對是否加入稻香集團，確實有和父親鍾偉平商議過，並且都表達有興趣。不過父親當時只給了他們一條問題，那就是：「若你哋打算返嚟稻香幫手，你哋只得一次機會，唔可以試過唔啱第二日就走人，一定要堅持，冇決心可以堅持嘅話，就唔好返嚟 !」
由洗廁所做起學解決問題
鍾凌峰於2012年正式加入稻香，曾出任多個低層工作崗位。「我係由低做起，乜部門都去做，由洗廁所、洗碗、樓面和樓雜，每個崗位做一兩個月。」他形容，這樣做的好處是可以親身感受到不同崗位同事所面對的問題，「其實公司改革中，好多時候唔係同事唔想改變，只要你經歷過及理解到同事嘅痛點，就帶到佢哋去改變。」
加入稻香兩三年後，鍾凌峰主要往返中港兩地，深入學習開店的整個流程。其後，他返回東莞總部，開始參與新業務的發展。他表示，「老闆」（即其父親）見他一段時間以來十分忙碌，剛巧公司有一個新的發展機會需要人手，便委派他接手這項工作。他笑言：「當時嘅心情都係做囉，畢竟我哋家庭嘅管理方式就係收order去做嘢。」被問到是否認為這是父親對他能力的肯定，鍾凌峰坦言：「其實到依家，老闆對我都未算係肯定。無論作為老闆定係爸爸，對自己小朋友嘅要求可能會唔同，好難有一日會話滿意。所以佢覺得我ok，已經好犀利，唔需要話滿意。」
旗下鍾菜館推9款中式軟餐
刻下，鍾凌峰肩負集團發展軟餐業務的重擔，積極開拓長者軟餐市場。他指出，機緣巧合下，稻香酒樓集團與擁有軟餐科技技術的社企The Project Futurus一拍即合，近期在旗下鍾菜館正式推出9款中式軟餐，作為擔大旗的鍾凌峰形容，政府數據預測到2046年，本港人口組成中，將會是每3個人就有1個是長者，所以長者軟餐實在有很大的發展空間。他表示，稻香進軍長者軟餐市場是回饋社會的目標，「我加入稻香已十幾年，未來重點關注嘅工作中，軟餐係其中一個。而軟餐撇除生意而言，老闆一路覺得，我哋有咁多30年前已開始幫襯我哋嘅食客，現在佢哋好多已經係上了年紀嘅長者又或者照顧者。稻香應該回饋佢哋 !」
對於軟餐的未來發展，鍾凌峰認為市場教育仍未足夠，而稻香軟餐的市場精粹是「同桌同餐」，重點在於參與。稻香的軟餐符合國際吞嚥障礙飲食標準（IDDSI）的同時，亦重現粵菜佳餚及點心的美味，讓長者與家人同枱一起享用。稻香亦希望其他同業察覺到軟餐有發展的潛力，期望軟餐發展普及化，而且不單止是色香味俱全，現在所談論的已經是食物安全。
面對當前飲食業如酒樓業大多在疫情過後生意仍未能回復疫情前，鍾凌峰認為，現時不應該追求生意要回復疫前多少，反而要為公司爭取新的生意、新的業務方向。他形容指，「喺疫情呢幾年，稻香成個集團嘅mindset（思維）都有改變，例如我哋會利用不同時段和不同市場做番起生意額。好似市民疫情期間已習慣唔出夜街，我哋就推出晚飯早鳥時段，提前到5時至7時食晚飯，這樣市民食完晚飯，仲可以逛一個鐘頭街才返屋企。」此外，稻香酒樓又會推出飲茶節，甚至兩餸飯等提升營業額。鍾凌峰指，其實這些發展都是發現食客有需求，公司就因需求而作出相關服務，「酒樓業係賣人情味嘅生意，食客到酒樓飲茶或食晚飯，為的是與相熟的伙計閒話家常吧！」
年輕人非缺乏上流機會
現時經常會聽到年輕人缺乏向上流的機會，鍾凌峰認為，「我覺得唔係，只要你肯做，機會一定有，而市場上確實有好多工都係冇人做。」他解釋，以大學生為例，畢業後出來工作大多與本身所學並無關係，這方面政府可做多少少，如幫助配對工作外，其實應該教育大學生改變他們的mindset，「除咗醫生同律師呢啲學科，真係出嚟為咗做番呢個專業外，其實大學生接受大學4年教育為咗一件事，就係證明自己有能力去學習新知識，將來會否成功係好睇自己。」
鍾凌峰小檔案
■年齡：35歲
■學歷：英國牛津布魯克斯大學經濟及市場管理學學士學位
■現職：稻香集團營運總監
■父親：鍾偉平（稻香集團董事會主席及行政總裁兼創辦人）
■兄長：鍾震峰（稻香集團執行董事及中國區營運總監）
敬佩「老闆」創業家精神
在訪問過程中，鍾凌峰慣常稱呼父親為老闆，他笑言，父親的確是老闆，在公司裏頭他都會這樣稱呼父親的。其實鍾凌峰是很敬佩其父親的，覺得他父親很厲害；他憶述指：「老闆做事好專注，例如佢好專注地去做餐飲業，而且佢做事好creative（創新），為行業創新做咗好多嘢。佢inspire（激發）咗我乜嘢係創業家嘅精神，改變咗我嘅mindset。」
若真要透露自己最欣賞父親的地方，鍾凌峰指：「最欣賞係佢覺得自己對成個飲食業有責任，用自己一個人嘅能力去改變咗成個行業，唔係好多人做得到。」至於父親如何改變整個行業，鍾凌峰舉例說，「喺十幾年前，老闆就創造了全港首家食品加工及物流中心嘅平台，嗰陣時根本冇一個人會認同，但正因為有佢嘅創新同遠見，才令到公司有今日嘅成長同地位。如果冇父親buildup（建立）咗呢個平台，我返嚟公司再去發展會好困難。」
評論