【豐力深作】「有心意」先拔頭籌

黃子豐

「有心意」12月前，跑咗七場四班賽，除咗第二次出賽時有過飛，基本上次次幾十倍巨型冷門。好明顯，馬房知道係完全冇機會。馬房根本早就鎖定咗，隻馬要落到五班，先認真摶殺。

相反，一直完全冇飛嘅佢，12月初第一次落五班，即時變3.9倍，大家睇下佢12月初有飛前嗰兩場，一場52倍跑第11，對上一場63倍跑第八。呢啲馬，就算話落五班，你係普羅馬迷，見到唔夠4倍，你會賭？咁嗰日啲飛邊個買？擺到明，嗰日有人重注。而當日正正就係五班谷草千二。雖然贏唔到僅跑咗一席第三，但擺到明，有人知道呢匹馬，喺五班係有一定能力嘅，而且谷草千二應該就係佢最好嘅路程。搏完呢場後，其實「有心意」只再跑過兩場五班谷草千二，一場係287場再一次跑第三，而另一場，就係前一場抽九檔，早段畀人頂死。未交代馬而家兜兜轉轉，又返返嚟五班谷草千二，按道理，四歲馬只要健康冇問題，跑返呢個早早有人認定係好好跑嘅路程，點都應該有一定份量。