黃子豐

二班田草1600，其實係比較少賽程。所以二班1600嘅路程專家本身唔會好多。報名參戰嘅馬，大多數，都係巧合地近期在其他路程跑開，遇上二班評分區域有路程，就隨便參戰下，並非太過刻意針對性報名出賽的。

好似今次第四場二班1600米，一些二班舊馬「安遇」、「中華盛景」報吓名，跑開二班1800以上嘅「遙遙領先」、「港林福將」、「和平波」又報吓名。根本就係大家見有合適嘅評分區域賽事，就大家隨便參戰吓。好多時，呢類型賽事，都會係狀態最當打，銳氣最銳那匹贏。

因為反正大家都唔係路程專家，大家冇針對性部署，最當打最銳那匹馬，其實十分合理。「康樂高球」82分，本來跑完上一場，正正路路等5月25日那場二班1400係非常合理，距離佢上次贏馬42日，佢之前亦都試過，所以正常部署，係應該等5月25的。

馬房唔等當日，改跑這場二班1600，我比較相信唔係玩嘢，而係貪這場對手沒那麼強，又看看是否如此，馬膽我信呢隻。