香港文匯報訊（記者 梁靜儀）昨晚（1日）首播的《俠醫》，陳豪（阿Mo）飾演的凌為民，及張曦雯（Kelly）飾演的羅穎琛（Rachel））可謂由頭帶到落尾。劇情講述做人做到亂晒籠、冇錢冇事業冇愛情的「Loser Rachel」，一開頭即迎來連串厄運並遇上碰瓷黨，幸好凌為民剛好路過幫忙拆穿騙局，還為Rachel治療慣性拗柴，二人因而結下拗柴情緣……禍不單行的Rachel，除了因要照顧自閉症家姐羅穎茵（譚凱琪飾）心力交瘁，同時還要應付同事沈綺婷（劉佩玥飾）的連番暗戰及好色客戶鄧力圖（鄭子誠飾）的不道德誘惑。
首集Kelly放下靚女包袱，短短一晚釋放出大量「浮誇剩女表情包」，包括咆哮Look、放Pea Look、蛇Gwei Look、混亂Look及弱勢Loser Look等。Kelly表示很喜歡Rachel這個Loser角色：「佢冇主角光環，好多嘢都處理得唔好、唔識面對，又好多缺點，但就心地善良，我好鍾意呢個角色，因為人就係咁唔完美。」
劇中以新鮮感十足的曲髮造型上陣的Kelly笑言這個髮型是《俠醫》限定：「整呢個真係好辛苦，我唔會再整，因為我本身個頭髮好直嘅，一洗完頭就自帶負離子咁。我記得嗰陣出外景好熱、好易出汗，咁我啲頭髮就會好快變直，所以我每次出外景起碼要重新整頭三至四次，才可以Keep到個曲髮連戲。」
除了角色夠新鮮，Kelly昨晚的背心短褲居家Look亦獲網民大讚身形勁靚！身高175cm的她，除保持到體重在54公斤，腰圍更長年Keep住23吋，擁有健美曲線。早前曾多次減肥失敗的Kelly，近年採用「長短棍餐單」控制食量，即根據每餐的攝取量調整下一餐的食量，以保持熱量平衡。運動方面，除了重訓，Kelly也會做瑜伽幫助塑身。
昨晚另一亮點，是劇中飾演「惡霸騙子二人組」，金牌綠葉演員「群姐」許思敏及「爛賭發」魏惠文的精彩演出。二人以假藥油行騙街坊，結果遭陳豪拆穿。當中群姐在後巷的「獅吼功」 上身憤怒演技，更是喜感十足。
評論