香港文匯報訊 (記者 梁靜儀) 成龍與梁家輝相隔20年後再合作拍電影《捕風追影》，成龍透露明年會與奧斯卡影后楊紫瓊在港拍戲，亦希望再跟張曼玉合作。
成龍受訪時，突然爆出好可惜第二部梁家輝要坐監，他坦言一開始已有打算開拍續集，加上該片馬來西亞上映後反應好，網民都叫他趕快開拍第二部，相信導演已開始寫劇本，他大讚導演很有才華。問到梁家輝可會參演，他笑言要睇成龍檔期，只要對方出聲，「Anytime同Anywhere也可以」。
至於何時開拍港產片？成龍坦言很多題材以前都已拍過，之後想不到新題材在香港拍，去到外地拍就會有好多靈感，但又謙稱自己又不是許鞍華這種文青導演，一想到題材就是打打殺殺，如果有導演可以想到好的香港故事，他一定去拍。
成龍直言在香港申請借景拍攝困難，他說：「要這幢大廈唔畀，要嗰幢大廈又唔畀，好難嘅，我去到外地我指邊幢大廈都ok，對方都表示go ahead，去到歌劇院即刻畀我上去拍同炸，香港會展我借幾多次都唔畀，如果不是看到董伯伯（董建華）同佢講，先畀我上去拍。」梁家輝亦希望可以成事:「你可唔可以諗吓新香港地標啟德主場館，我喺下面開第一個演唱會，你喺上面拍第一個動作片？」
今年是成龍入行64年，早前他獲瑞士盧卡諾影展頒授「終身成就獎」榮譽金豹獎，談到得獎感受，他說：「得獎才知道自己原來年紀大，今年入行64年，估不到以前嘅演出、傷痛及堅持，幾十年後會得到回報，如果以前『是但拍』，可能就冇今日呢個成就，而家仲有好多人講《A計劃》、《紅番區》，覺得以前斷過手、腳，所受嘅傷都係值得，所以一定要多謝當年嘅自己，(如何慶祝？)有咩慶祝呀！對我來講係番外篇。」
成龍又透露明年會參演有幾部內地製作的電影，問到是否永不言休？他坦言不是不想退休:「呢十幾年我不斷去改變，希望畀觀眾知道我係演員，因為動作明星好快冇，因為我肯變，之前拍咗幾套一啲動作都冇嘅戲，可以喜劇、文戲同動作戲，明年會有幾部美國片，我唔係唔想退休，係好幸運有好多編劇寫劇本畀我，好多導演搵我拍，好多投資者肯投資，只要有投資者搵我拍都拍落去。」
他又透露明年有新戲可能拉大隊回港拍，會邀請楊紫瓊合作。談到張曼玉活躍於小紅書，可想再跟她合作？成龍坦言有機會當然想，但不是他揸主意。另外，提到梁家輝再度榮升做外公，成龍即恭喜對方。
評論