香港文匯報訊（記者 阿祖）胡諾言（胡仔）與陳琪結婚多年，堪稱圈中模範夫婦，兩人育有三名子女，上周六胡仔生日，太太與三個仔女特別為他慶祝，揭露了胡仔外表剛陽，內裏卻有一夥童心，原來是Labubu超級粉絲。
當日陳琪特別準備了一個Labubu生日蛋糕給胡仔，令他十分驚喜，他將照片上載社交平台，得到很多粉絲及藝人好友如胡定欣、姚子羚、陳自瑤、鄭俊弘等祝福，胡仔趁在生日這個大日子，亦公布工作大計說：「大一歲啦，我都祝自己順順利利，最新工作安排就係加入咗邵氏大家庭，成為我的經理人，除咗繼續拍攝《流行都市》之外，我都會即將開拍邵氏新劇《風華背後》，入面蔡少芬係我上司，有好多對手戲，好多年前同蔡少芬喺綜藝節目合作過，所以都好期待再合作。」
問到他鍾情Labubu是否受到太太或女兒所感染？胡仔說：「太太都鍾意Labubu ，啲女對Labubu冇乜太大感覺，反而係我就一見鍾情，可能因為我好鍾意小朋友關係，我一見到Labubu就好震撼，覺得佢好似一個BB咁，真係好正，但我絕對唔係一個狂迷，唔會用天價非買不可的去搜購，但老婆特別去準備咗呢個蛋糕，好開心好驚喜，都真係好多謝佢。」
評論