香港文匯報訊（記者 子棠）沈震軒（Sammy）日前到中山，為相識十三載的關楚耀（Kelvin）演唱會擔任嘉賓，二人更即場「重現」當年電影《喜愛夜蒲2》的經典場面，逗得全場觀眾尖叫！
當Kelvin演唱電影片尾曲《Wonderland》中段時，Sammy突然現身舞台一齊合唱。唱完後Kelvin興奮大叫：「喂！點呀！USB（Sammy於《喜愛夜蒲2》中外號）），哈哈！」Sammy問道：「一見到阿關，我又即刻返到去《喜愛夜蒲2》！我想問吓現場有幾多人係睇過這齣電影？」全場觀眾大聲歡叫，Sammy搞笑說：「你哋曝露咗你哋嘅年齡啦，哈哈！」隨後Kelvin突然「感慨」：「講起《喜愛夜蒲》，真係好耐冇蒲。」Sammy接着說：「我就唔知你，但其實我就好開心嘅。」Kelvin突然醒目截停：「你小心啲，我老婆喺度！」搞到台下觀眾笑爆！之後大熒幕播出《喜愛夜蒲2》片段，掀起大家的回憶殺。
完Show後，Sammy表示二人因為拍《喜愛夜蒲2》而認識：「除咗拍戲，之前我記得好似有同阿關唱過一次K，但同台音樂表演真係第一次！」Sammy更自爆想延續這個回憶殺：「好想同阿關再jam落去，衍生一個大啲嘅故仔！因為阿關都有好多自己嘅歌，我好想將佢嘅歌、我嘅歌，再加埋敏之（陳敏之）或者另一位女歌手，做一個小小嘅都市愛情故仔，串連音樂加戲劇，好似冇人做過呢樣嘢，所以現在都構思緊。」
評論