香港文匯報訊（記者 子棠）陳健安（安仔）有份監製的新歌《沒有時間》昨日面世，歌名來自安仔6年前單飛第一首歌《一吻穿越四十六億歲》的其中一句歌詞，內容講述失去愛仿如時間停頓。為配合今年以「後末日」主題的音樂企劃，MV故事設定在「磒石撞地球」前一刻，安仔突然被張惠雅（Regen）飾演的女友狠飛。他一邊執行李逃難，一邊回憶已逝去的甜蜜片段，情緒一觸即發，安仔眼淚放題，喊到連攝影師都話替他心痛，導演更考慮將這段輯成番外篇。

安仔與張惠雅拍MV溫馨拍拖。 主辦方供圖

安仔演技大爆發，一鏡到底，完美演繹否認、憤怒、討價還價、抑鬱和接受「分手五階段」。事後他冷靜情緒，說：「我完全唔知頭先發生咩事，一聽到音樂就係咁喊。導演話我演繹晒成首歌，一take過，可以獨立輯成一個MV。」他表示事前沒有想過自己會爆喊：「之前開會大家有討論過，啱啱被分手嘅人應該未接受到現實、未太傷心，但剛才我唔知點解就崩潰咗！情緒就係咁，以為自己控制到，但係突如其來嘅一啲氣氛，例如望Regen着過嘅衫、慶祝生日嘅布置、一齊夾嘅公仔，腦裏面好多畫面，情緒就來了！」

安仔演技大爆發。 主辦方供圖

Regen之前已參與過安仔的MV演出，與安仔私下亦是好朋友，今次MV拍攝溫馨拍拖情景時，他們都表現非常自然和投入。曾患腳傷的安仔在MV中二話不說孭起Regen街上跑，他說：「之前都有啲擔心，因為我腳傷之後未試過負重呢個磅數，原來佢咁輕。平時Regen拍戲都喜感較重，大家好少見佢演認真嘅角色，但我之前睇過佢演舞台劇，其實佢有呢一面。」除了幕前演出，安仔還感謝Regen為MV拍攝團隊親自下廚準備膳食，台前幕後都吃得津津有味。