香港文匯報訊（記者 子棠）關智斌（Kenny）近日剛宣布舉行演唱會一天，今日已心思思想到英皇珠寶「掃金」旺一旺，並且有全盤計劃，首先是施展「屈金大法」搏老闆英皇集團主席楊受成送禮，怎料楊受成竟然快他一步，一早準備了一隻「一帆風順」金帆船等他，令Kenny開心到彈起！
Kenny笑笑口自曝整個「屈金計劃」：「我頭先特登打畀老闆秘書，問老闆會唔會巡舖，諗住捕住佢，等我有折頭或者屈吓佢送嘢！」結果真的被Kenny捕獲，楊受成在珠寶店見Kenny後先是嚇了一跳，其後笑言：「我有嘢送畀你呀！」隨即着同事拿出預先訂製的金帆船；反而是Kenny呆了：「吓，真係㗎？多謝呀老闆！我仲諗住要出招屈你喎！」
Kenny表示最近迷上「擺金陣」，打算在錄音室、化妝間都全部擺金，楊受成笑道：「啲金好貴喎，你條友仔！」Kenny又雄心壯志說：「我現在的目標好明確，做好個Show，下次再開就可以收多啲金同埋錶！」更笑指這是員工福利。楊受成為Kenny打氣期間，突然爆句：「聽講你個『波霸』好犀利！」Kenny急澄清道：「係個Body，到時Show畀你睇。」輪到老闆嚇到耍手擰頭說：「嘩！唔使、唔使！千祈唔好！」最後楊受成贈言「一票難求！一帆風順！」力撐，Kenny即說：「我會努力！爭氣！」
臨走前，Kenny得意洋洋謂：「任務達成！搶咗嚿金，唔係搶，係老闆送嘅！」至於如何報答楊受成？Kenny揚言必定全力以赴，瞓身做好個Show：「咁就可以再收多啲金！」
評論