香港文匯報訊（記者 梁靜儀）「香港搖滾之父」夏韶聲（Danny Summer）今日聯同師父竹田和夫及樂隊Super Band，到新蒲崗為本周末於紅館舉行的兩場《LAST SUMMER》演唱會進行綵排，Danny更準備了雞尾包及葡撻慰勞團隊。
今日Danny特地帶上師父30年前贈送的結他到場，二人更即場綵排《New York Woman》。Danny表示師父竹田和夫昨日才抵港，而他們上一次同台演出已是2009年《諳》紅館演唱會。
最後一次在紅館開演唱會，Danny表示有很多朋友及粉絲都專程從美國、比利時、澳門及內地等地回港睇騷。問到演唱會舉行在即，心情可緊張？他笑說：「糟糕，好像不太緊張，如果說我不緊張就覺得我在偷懶，緊張……當日喺台上啲嘢，團隊已做得好好，所有我要求嘅佢哋都畀到我，而今次演唱會監製亦會搵返當年第一次紅館演唱會嘅監製。」他又透露今次會用音樂及歌曲講他由入行至今的故事。會否因同師父竹田和夫合作是緊張的原因之一？他說：「唔緊張，我再講多次，竹田和夫唔係教我結他嘅師父，我好多音樂知識係佢講畀我聽，按中國人傳統應該稱佢師父。」問到孫仔屆時會否上台表演？他表示不會：「冇呢個需要，孫仔亦沒有要求，觀眾係嚟睇我同我隊Band，不過講住先，一陣間佢衝上台唔關我事。」
談到陳慧琳（Kelly）個唱受颱風影響要改期演出，Kelly感激他讓出檔期，並即場演繹他的《空凳》，Danny笑說：「或者佢係窒我㗎喎『如果夏韶聲就弊喇，一定多空凳』呢！其實有啲老闆話《空凳》意頭唔好，但人人會唱，如果佢當晚用呢個題目講吓笑都冇所謂嘅 。」
另外，談到他被黎彼得質疑開紅館告別騷，問到會否邀請對方睇騷？他表示：「我們是朋友，但佢都話好少去睇演唱會。我們雖然不常見面，但佢都係矇查查亂咁講。」他強調50幾年來與圈內人甚少聯絡，一來自己不常在港，其次「道不同不相為謀」。同行如敵國，為什麼是敵人呢？只有你把對方當敵人才是敵人。問到他與黎彼得是否同道中人？他笑說：「完全不同道，他是說，我是唱。」
評論