逢賽馬日出版
周三快活谷九場草地賽事
場地預測：好地
開跑時間：晚上6:30分
查看資料，今季由韋達轉走的馬如「富國兄弟」、「幸運星球」、「維港激流」等相繼交出頭馬，而「幸運星球」轉投巫偉傑後更已經梅開二度，反映巫偉傑對待轉倉馬幾咁急進，今晚煞科戰巫廄的「將義」必要吼實。
「將義」上季以自購馬身份到港評70分起步，初期由韋達訓練，陣上表現亦見穩定，連仗獲得獎金名次，今季初出跑田草1400米，只係輸畀「陽光勇士」得亞軍，後駒今季成績不斷突破，評分不斷上升，反而「將義」予人憧憬之後，連串演出開始走樣，連敗多仗後，直至四月中轉爭谷草一哩再次取得上名，可惜接戰表現未能再進，敗後即時安排轉投巫偉傑手上。「將義」加盟巫廄後，不久已讓此駒由潘頓試大閘，上次落到四班更強配潘頓梗係備受睇好，可惜陣上際遇麻麻結果倒灶而回，而賽後潘頓亦建議「將義」要向更長途程發展。果然「將義」今次即向谷一哩進軍，雖然由潘頓換上梁家俊，但馬本身有料兼未交代必有戰意，唔使諗咁多嘢照捧。
評論