香港文匯報訊（記者 子棠） 周嘉洛為銀行舉行的「防騙便利店」開幕活動擔任一日店長，他表示已連續兩年獲邀出席活動，但做店長卻是首次，笑言自己經常巡舖，對防騙商品瞭如指掌，例如騙徒可以用Deepfake技術冒充股神、甚至家人，以為的「藝人」其實是「偽人」等，所以最重要是保持冷靜，向當事人查證，不要有片就信以為真；他又自言不是特別聰明，認為投資的部分比較適合現階段的自己。
周嘉洛更自曝是電騙「常客」 險被收數公司成功呃錢，還曾被騙徒冒認他私訊粉絲！提到差點被收數公司成功騙財，他稱幸好當時記得保持冷靜，才能力保不失：「啲騙徒善於捕捉受騙者嘅心理，通常會喺緊迫情況下逼你做決定，甚至會令你擔心埋屋企人。好好彩，喺騙徒嘅對話入面留意到破綻，最後保得住自己荷包。」問到小時候可有被騙或騙人經歷？他笑謂兒時曾欺騙父母：「細個唔識諗，為咗可以參加課外活動，冒媽咪簽名。睇落好似好小事，但係結果當然係得不償失，做錯事係要負責任。」
對於有騙徒假扮藝人呃錢，周嘉洛坦言自己亦是受害者：「身邊有唔少藝人朋友試過，畀人hack入社交平台帳戶同埋點數卡，大家都好醒目唔會相信，但係利用Fans對藝人嘅支持呃錢，真係好嬲！我係絕對唔會私訊Fans攞錢，大家唔好畀啲花言巧語氹到！幸運地佢哋都好聰明，只能夠講懂得欣賞我才華嘅人都好有思考能力。」
最後他更搞笑呼籲騙徒改邪歸正：「有啲行業，賺到嘅錢同種下嘅孽係成正比，騙徒就係一分耕耘一分孽債，越努力越危險，我建議各位師兄姐轉行！」
評論