近日有港男於Facebook群組發帖文及相片抱怨指在超市買到「甩色蔥」，連炸出來的蔥油都是變色的，帖文引發網民對食品安全性質疑。
相片顯示薑蔥一起炸出來薑蔥油呈現鮮艷詭異的綠色，港男怒斥「做咗幾十年人，煮咗十幾年嘢，葱油可以炸到呢隻色真係第一次見」。隨後港男檢查剩餘未炸的青蔥，他發現蔥上竟帶有紫色的顏料並且怎麼都洗不掉。
帖文引起網民熱議，不少網民質疑可能有農藥殘留，直言「呢個係食安問題了，如是工業色素，會害死人中毒㗎」、「咁恐怖」、「染㗎？」、「應該要拎返兜油去做化驗」。亦有網民表示炸出來的蔥油像「羅拔臣啫喱：青檸味」、「花露水」、「薄荷酒」，更有網民打趣稱「幾正，咁先係青葱呀！」。另有網民則建議港男自己種蔥更安全，「如果食開蔥嘅朋友，可以自己種，好簡單，search下就有，而且割了可再生幾次」。
評論