劉洋與呂慧儀有大量對手戲。

香港文匯報訊（記者 子棠）TVB處境劇《愛．回家之開心速遞》繼李金凱後，又多一名《中年好聲音3》成員加盟，劉洋飾演「曹總」的堂弟「細曹總」，於昨晚播出的一集強勢登場，與呂慧儀有大量對手戲，角色同佢本人一樣要講一口「唔咸唔淡」的粵語，劉洋穿上恤衫不扣頭兩粒鈕、外配棗紅色西裝，梳上蛋撻頭並架上巨大金絲眼鏡，簡直就和「曹總」完全餅印一樣喜感十足。

原本身為演戲初哥的劉洋表示十分擔心自己的表現，害怕會耽誤工作人員的時間，但呂慧儀就大讚劉洋初次演戲就表現出色：「你兩個真係好似，其實你唔使太緊張咬字準唔準，其實聽得明白嘅，同埋𠵱家咁樣嘅感覺同造型，真係一模一樣，好有回憶，回憶直頭返晒嚟！」而播出後網民亦大讚劉洋學得很相似，包括語氣和大老闆的架勢，引來大批網民討論：「神級相似！」、「洋洋，好得意。」、「如果再有龔燁vs細曹總就最好睇喇！」、「龔水黨最大危機出現了！」等。