香港文匯報訊 （記者 阿祖）歌手曾傲棐Arvin日前出席「港鐵藝術舞台」夏日音樂會，一連唱出四首歌曲，吸引數百樂迷駐足欣賞，場面墟冚。曾傲棐不時向Fans「派心心」，認真識做：「我真係成日搭港鐵，一陣表演完都諗住就咁搭車走，如果大家車廂見到我，都可以隨時走過嚟問我『攞心心』，但如果我係同屋企人一齊嘅話就打聲招呼先，唔好嚇親佢地。」
Arvin自爆是鐵路迷，這次於港鐵站內表演大呼感受特別：「我住元朗，以前東鐵未有得過海嘅時候，每次過港島就係喺呢度行行行，去到嗰邊搭車，所以第一次喺呢度唱歌俾大家聽係好特別。」原來Arvin6月時到日本旅居一個月，但笑言「欠片債」在假期都有拍片工作，並為新歌混音。Arvin日內即將推出新歌派台的，MV更拍出一些集體回憶，希望令大家看完會有共鳴。」
談及下星期是DSE放榜的日子，Arvin以過來人身分為應屆考生打氣：「當年DSE分心Busking和打波，成績未達預期亦意料之內，但其實成績不是一切，最重要是找到發光發熱的地方，當年我都覺得證書很重要，但現在回看又好似不是，路都是由自己行出來。其實擔心都沒有用，善用時間做自己喜歡的事。」
評論