盧瀚霆胞姐攜愛犬參加步行籌款 近四千「神徒」齊創世界紀錄

香港文匯報訊 盧瀚霆國際後援會為慶祝偶像盧瀚霆（Anson Lo）生日，今日舉辦生日活動「Anson Lo Charity Pet Walk」，吸引近4千名「神徒」（Anson Lo粉絲名）參與，同日更創造「最大規模狗狗掌印展示」世界紀錄，共收集1,008狗隻掌印！

今日參與活動的「神徒」攜同愛犬參與，除了慈善步行籌款外，場內更有多個打卡位、遊戲及小食攤位，當中亦邀請受惠慈善機構設立攤位，寄望大眾能關注本港不同界別有需要的人士和動物。

Anson Lo胞姐Sharon與愛犬Amber出席活動，並主持起步嗚槍活動，眾多神徒爭相與Amber影相，成為會場「限定打卡點」，場面搞笑！Sharon表示感謝「神徒」為Anson Lo慶祝生日，盼樂迷繼續為社會弱勢社群付出：「多謝大家愛錫細佬，好開心參與呢日嘅活動！平時Amber都好珍惜同Anson相處嘅時光，因為細佬未必可以日日都陪住佢，早前細佬休養期間，Amber都成為細佬嘅精神支持，成日痴住細佬。平時同Amber落樓散步時，見到細佬啲廣告都會話畀Amber知呢個係『哥哥』，不過佢都好似唔太認得咁。」Sharon透露Anson Lo曾考慮帶同Amber 跑步，但擔心運動量太大所以放棄。