周二沙田十場草地賽事
場地預測： 好地
開跑時間：下午四時正
方嘉柏馬房「昭易搵」上季出道兩戰表現麻麻，今季進度大躍進，熱身開氣後，即於田草千四米力壓「一定掂」及「卓越蒨鋒」打開勝門，打後時間增程跑一哩，雖未再添頭馬，但連番闖入前列，其中358場雖然跑至三甲不入，但該仗對手再出取得不俗成績，「金主」、「英駿飛駒」之後幾勁已唔使講講，絕對係高水準賽事，果然「昭易搵」翌仗小休復出即再添進帳。
「昭易搵」571場雖然只跑第五，但初跑三班仲要排喺十三檔梗係難跑，相對地能衝返個第五名已很出色，前仗「昭易搵」扳上千八再次上名，幾乎與當銳馬「金主」同到終點，賽績硬淨。「昭易搵」上仗回師同程千六，雖然只跑第五，但出閘唔快，中段搶口又曾收慢，最終姍姍來遲輸得眼冤唔作準。
今次「昭易搵」專登抖一個月才跑，體力已復完，日前馬兒快跳三段紮紮跳，反映保持大勇境界，今日續跑贏馬路程千六米，換黃智弘減磅好跑，可收復上仗之失。
評論