香港文匯報訊（記者 梁靜儀）無綫全新綜藝節目《帶阿姐看世界》轉眼來到第三站摩洛哥，這次負責帶女主角汪明荃（阿姐）看世界的重任落在阮浩棕身上，二人先後到訪了舍夫沙萬的藍色城市、摩洛哥第二大城市非斯、撒哈拉沙漠等標誌性地方，體驗了在沙漠中騎駱駝、食早餐睇日出，以及穿上民族服飾在色彩繽紛的屋宇前打咭留念等，行程豐富。
摩洛哥近日氣溫一直持續在30多度，加上烈日當空，阿姐除了長期戴上黑超防曬及拎住風扇仔降溫。每次均會悉心打扮看世界的阿姐，今次行程繼續大曬各式各樣襯到滴水不漏的靚衫，獲網民大讚完美駕御所有造型。
與幕後工作人員打成一片的阿姐，更細心為幕後女同事按摩，又先後與阮浩棕及當地導遊手牽手，其中阮浩棕拖着阿姐走上斜路的背影照，極盡溫馨。
整個旅程阮浩棕對阿姐照顧周到，不但為阿姐充當攝影師，又主動為阿姐按摩！阿姐亦大讚阮浩棕勤力，做足功課。為了拍好這個節目，阮浩棕出發前做了大量摩洛哥的資量搜集，就連阿姐的資料，他也不放過，笑言習慣將所有看過的資料抄下來方便記憶。阿姐聞言笑言：「我啲資料咁多，你睇唔睇得曬架？嗱！我真係旨意曬你架，我咩都冇睇過，我希望你畀驚喜我吖嘛。」
阿姐又踢爆阮浩棕腳毛數量多得驚人：「佢啲腳毛好犀利，好Man咁咯，同佢個樣唔係幾襯。」之後再搞笑追問阮浩棕：「你胸毛有冇架？」令出名怕醜的阮浩棕一度語塞、不知所措。阮浩棕指與阿姐合作後，覺得自己「愈嚟愈鍾意阿姐」：「以前覺得阿姐好嚴肅（姐：我哋都冇相處過）我喺側邊睇住你，會好驚嘅，但其實阿姐好可愛，佢會同我哋講笑啦、同我哋玩啦，好真性情。」
評論