丘嘉滎

賀賢今季運氣麻麻，頭馬數字明顯比過往幾季為少，不過嚟到季尾馬房開始發力，近兩個月頭馬雖然唔多，但10倍或以下馬匹上名率超過四成，今期手馬亦似配合而來，尾場有新勝馬「嘉應奇兵」，希望爭取連捷；同日仲有降班嘅「實力派」。

睇番呢匹馬由季中已經有狀態，364場次兜大彎追入前三名，最後不敵「有目共賞」同「信心星」，前駒今季已經贏埋三級賽，後駒亦係四班中堅份子，「實力派」當時評67分，可惜運氣欠佳，一路都無排過中內檔，馬匹幾乎每次都要留後嚟跑，嚟到季中尾要靠後追贏馬真係唔容易，上次「實力派」再次蝕位蝕慢步速上名，時間亦造得唔錯，雖然今期再排中外檔，不過搵到潘頓出策兼對手轉弱有望坐正！