香港文匯報訊（記者 阿祖）王浩信日前接受新城《QK玉瑛室》節目訪問，祖籍新疆的王浩信於深圳出生，半歲便隨父母來港定居。他透露去年曾回鄉自駕遊，他大讚家鄉：「其實𠵱家烏魯木齊已經好發達，商場好似中環啲大型商場咁靚。」

王浩信感恩獲汪明荃提攜。 主辦方供圖

浩信入行前任職平面設計工作，他透露兒時曾想過做童星，可惜被家中最有權威的爺爺阻止：「佢話唔鍾意個孫去電視台做『茄哩啡』。直到20歲，我參加Neway卡啦OK舉行嘅試音活動，當時唱謝霆鋒嘅歌，跟住誤打誤撞入咗行，屋企人唔支持，但我瞞住佢哋簽約。」

浩信之後成功由歌手轉型做演員，並於2007年與汪明荃（阿姐）、胡杏兒及黃宗澤等拍攝劇集《野蠻奶奶大戰戈師奶》，飾演「富二代」的浩信首次與阿姐有對手戲，他表示：「我緊張到手震，嗰時完全唔識演戲，喺咁多前輩面前，我惟有盡力做，阿姐可能洞察到我好緊張，佢話『你放鬆啲啦後生仔』，仲手把手教我點演繹一個富二代。」

談及早前夥吳卓羲、郭晉安、歐陽震華及高鈞賢參與內地直播節目大跳《晚安大小姐》引熱議，主持何基佑形容「網上有好多唔同聲音衝擊」，問浩信如何處理這些聲音？王浩信豁達表示：「我覺得OK喎！今日仲見到（網民）叫我去海底撈度撈，我都想試吓係咪真係得，我未去過海底撈見過咁嘅跳舞場面，真係孤陋寡聞。」但他嚴肅強調：「我哋盡咗力去做好件事就OK，同埋的確當日節目數據理想，亦都多咗人關注我哋。」他坦言表演總會引發不同聲音，但強調TVB藝人最重「敬業」精神，最重要的是與時俱進帶給觀眾歡樂。