香港文匯報訊（記者 阿祖） 關嘉敏（Carmen）近日接受新城廣播《開心大派對》訪問時，在兩位主持薛家燕及思敏的連串追問下，Carmen大方承認在TVB戀愛綜藝真人騷《女神配對計劃》中心儀姜大衛兒子姜卓文（細John），更自爆曾因對方初選李芷晴而傷心。
家燕姐劈頭即八卦地直問Carmen當初參加時，會否諗「係咪嚟真？」「真係鍾意咗咁會點？」而思敏也忍不住插嘴追問「係TVB搵妳？」「還是內部公開招募？」Carmen直言：「算是內部公開招募，當時正在拍攝一個樓宇短劇，監製導演見我單身，問我有冇興趣參加？我話都好喎！其實我已有3年沒有拍拖。如果在節目中找到男朋友就當係Bonus（獎勵），我覺得當認識朋友也不錯，沒想過真的會找到男友。」
家燕姐直問現揀到意中人未呢？Carmen隨即露出甜絲絲笑容，豪爽地直答：「其實我好主動地揀咗姜大衛個仔細John（姜卓文），哈哈！」家燕姐聽到姜卓文名字，即時開心到大叫並大讚：「佢係我世姪嚟㗎！我同佢嗲哋、媽咪好熟㗎，佢好乖仔，唔錯！」Carmen聽到後反應超興奮，更不顧儀態驚喜尖叫：「家燕姐世姪！我好鍾意佢㗎！細John未入圍時，已經睇中佢，但當時佢卻揀Stephanie（李芷晴），我真係好傷心！不過反選時佢揀咗我，哈哈！」家燕姐馬上恭喜她，繼續大讚及力銷細John：「佢好有禮貌，事業有一番熱誠，父母又教得好，恭喜妳呀！」
評論