香港文匯報訊（記者 梁靜儀）林奕匡（Phil）與葉巧琳（Mischa）今日到新城電台宣傳新歌。
Mischa表示新歌 《小傷疤》自己首次為粵語歌填詞，歌曲是為她一年內先後離世的兩隻愛貓而唱，首次唱現場後更喊到崩潰：「當時係唱畀兩隻貓聽，所以忍唔住。（可怕下次再唱會控制唔到情緒？）我唔知，我會調整心態，下次會以向同路人打氣嘅心態去唱。」負責作曲的Phil表示，表示作為朋友及同事，知道Mischa的愛貓離世後，都不敢提起， 知道她需要時間療傷。
Mischa表示仍未能走出傷痛，不時都會勾起跟愛貓相處的畫面，明白需要一段長時間去適應。問到會否不再養貓？她表示一定會再養：「因為今年都忙，隨緣啦，想先享受一下Me time，以前去旅行都唔可以多過四日，所以下年再算。」
至於Phil則為新歌《無題時想起的人》宣傳，新歌是講很多值得珍惜的人和事物，失去後才懂珍惜。而他寫這首歌的時候，剛巧發生方大同離世：「有時走咗先知咁掛住，喺邊度搵到一個咁犀利，咁有影響力嘅音樂家？（大同離世對你寫歌有一定影響？）對呢隻歌一定有影響，佢嘅音樂一直有影響我。」
阿Phil經常幫人寫歌，他可會為兒子寫首兒歌？他笑言不覺得兒子特別喜歡嘈吵的兒歌：「囝囝喺媽媽肚裏面，我哋成日播啲古典音樂，試過有次給兒子聽古典音樂，兒子表現得好鍾意，我覺得佢鍾意呢啲咁高質素嘅音樂，多過關於鯊魚嘅歌，我係冇畀佢聽過嘅。」
他又透露8個多月大的兒子經常想爬進他的工作房，但因房內堆滿雜物和樂器實在太亂，為了安全起見，他一直不讓兒子入房，直至近日他終於的起心肝親手砌好個櫃放雜物及執拾房間，兒子終可入房，更爬上他的大腿陪他工作。
評論