香港文匯報訊（記者 梁靜儀）阮浩棕在綜藝節目《人生美食地圖-東京篇》中談及他在演藝圈打滾逾十年，2023年憑《隱形戰隊》中的「變態奸角」成功突圍，阮浩棕透露拍攝活埋劉佩玥的戲份時，自己臨場加了一個小巧思、希望令效果更恐怖：「記得現場喺度諗究竟點樣喺個畫面度會再恐怖啲呢？我就畀咗個Goodbye Kiss佢，呢個係劇本冇嘅。」阮浩棕續指做奸角其實發揮空間很大：「可以放膽去做啲平時唔夠膽做嘅嘢，可以撇甩晒枷鎖咁做。」說畢，阮浩棕即Chok出「自信奸角樣」。
阮浩棕又分享當年與嫲嫲、「上等人」梁舜燕，兩嫲孫唯一一套合作劇集《EU超時任務》的難忘點滴：「有嫲嫲喺度帶住我，就算幾困難，都有種好親切同好平靜嘅感覺包圍住我，對我嚟講除咗係達成咗一個願望（同嫲嫲合作）之外，亦都係學習咗一個好重要嘅一課。」外間曾不少聲音指阮浩棕有今天的成就全因「嫲嫲之名」，阮浩棕在節目中大方談及作為上等孫確實是多了不少工作機會，但若果自身準備不足，再多的機會也是徒然，更自爆當年他拍劇時被狠罵：「拍《為食神探》嗰陣，係畀人鬧到飛起！每日返工都頭耷耷，全部談情嘅戲都做唔到，因為唔夠放。」
評論